Xitay bash ministiri wén jyabaw rosiyeni ziyaret qildi


2004-09-24
Share

Rusiyini ziyaret qiliwatqan xitay bash ministiri wén jyabaw, xitay - rusiye munasiwitining hazirqi tereqqiyatini maxtidi. Fransiye axbarat agéntliqining xewer qilishiche, xitay bash ministirining moskwadiki ziyaritining eng muhim küntertipi rusiye terep bilen énérgiye hemkarliqini muzakire qilishdur .

Béyjing terep rusiyining xitayni uzun mezgilgiche néfit we tebiy gaz bilen muqim teminlishini ümid qilidu. Wén jyabaw, jüme küni rusiye soda sana'et sahesidiki erbaplargha nutuq sözlep, xitay kelgüside qudret tapqan teqdirdimu zomigerlik qilmaydu, jonggo, rusiye ishinishke bolidighan dölet dep tekitligen. Amérika birleshme axbarat agéntliqining xewer qilishiche, wén jyabaw shu küni rusiye prizdénti wladimir putin, rusiye bash ministiri fradkof bilen söhbet élip barghan

. Rusiye metbu'atliri, xitay bilen rusiye otturisida bezi muhim mesililerdiki ixtilapning barghanche chongiyiwatqanlishini ilgiri sürgen . Bu ixtilaplarning biri rusiyining dunya soda teshkilatigha kirish mesiliside gewdilenmekte. Xitay rusiyining dunya soda teshkilatigha kirishidiki birdin bir tosalghu bolup qalghan. Rusiyide turushluq xitay bash elchisi lyu guchang, wén jyabawning rusiyidiki ziyariti mezgilide moskwa bilen bu mesilide kélishim hasil qilishqa tirishidighanliqini bildürgen idi. Biraq, rusiye axbarat agéntliqi, rusiye emeldarlirining bu mesilide wén jyabaw moskwadiki mezgilde kélishim hasil qilish ümidi kütmeydighanliqini xewer qildi. Béyjing, rusiye emgek bazirini xitay emgek küchlirige échiwétish, chet'el shirketlirini tizimgha élishtiki cheklimilerni bikar qilishni telep qilghan.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet