Türkiye shimaliy iraqtiki PKK partizanlirini yene bombardiman qildi


2007-12-26
Share

Türkiye urush ayrupilanliri charshenbe küni türkiyidin ayrilip kurdistan qurush meqsitide pa'aliyet élip bériwatqan pkk musteqilchi kürd partizanlirining shimaliy iraqning zap rayonidiki gharlarda quruwalghan bazilirini yene bombardiman qildi.

Türkiye qoralliq qisimliri bash qarargahi tor bétide élan qilghan bu heqtiki bayanatida türkiye urush ayrupilanlirining zap rayonidiki kürd partizanliri yoshurunuwalghan 8 gharni bombardiman qilghanliqini bildürdi. Bu türkiye hawa armiyisining türkiyilik kürd partizanlirining shimaliy iraqtiki bazilirigha 16 - dékabirdin béri 3 - qétim hawa hujumi qozghishi bolup hésablinidu.

Buningdin burun qozghighan 2 qétimliq hawa hujumi 16 we 22 - dékabirlarda élip bérilghan idi. Türkiye qoralliq qisimlar bash qarargahi 16 - dékabirdiki hujumda 150 din 175 kiche bolghan pkk liqning ölgenlikini élan qilghan bolsimu, kürd partizanlirining axbarat orgini firat xewer agéntliqi shu künki hawa hujumida 5 adimining chiqim bolghanliqini ilgiri sürgen.

Yawropadin tarqitilidighan pkk gha yéqin metbu'at organliridin roj tv isimlik téléwiziye qanili hujumda shimaliy iraqtiki 15 kürd yézisining ziyan'gha uchrighanliqini we 2 yéza puqrasining ölgenlikini bildürdi. Shimaliy iraqtiki aptonom hakimiyitining re'isi mesud barzani bolsa türk urush ayrupilanlirining hujumini eyibligen. Türkiye metbu'atlirining eskertishiche, türkiyilik kürd partizanlirining shimaliy iraqtiki bazilirini bombardiman qilish herikitide amérika türkiyini axbarat bilen teminligen bolushi mumkin.

Türkiyining sherqiy jenubidiki kürdler 1984 - yildin béri türkiyidin ayrilip musteqil dölet qurush meqsitide pa'aliyet élip barmaqta idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet