17 ‏- Қурултай вә уйғурлар


2007-10-19
Share

Бүгүн, хитай коммунист партийисиниң 17 ‏-нөвәтлик қурултийиниң 5 ‏- күни. Бу програмимизда, уйғурларниң бу қурултайға қарита диққәт ‏- етибари қанчилик? диққәт қилғанлар қурултайдин немиләрни күтүватиду? дегән мәзмунлар тоғрисида, канадада яшаватқан уйғур язғучи зулпиқар билән түркийидә яшаватқан уйғур зиялийси оғузхан, мухбиримизниң соалиға елхәт арқилиқ җаваб қайтуруп, 17 ‏- қурултайға диққитини һеч бәрмигәнликини, сәвәбиниң болса, бу қурултайда йеңи гәп болидиғанлиқиға ишәнмәслики икәнлигини билдүрүшти. Бу хилдики инкас, вәтән ичидики бир деһқан тәрипидинму тәкрарланди.

Игилишимизчә, вәтән ичидикиләр пәқәт оюштурулған сорунлардила қурултай программилирини көрүватиду; әмма мундақ тәшкиллиништин халий кишиләр, бу йиғинға диққәт ‏- етибарини бәрмәйду, пәқәт бир қисим зиялийларла, бу қурултайни диққәт билән көзитиватиду. Соаллиримизға берилгән җаваблардин қариғанда, буларниң көзитишиму, қурултайдин, алаһидә нәтиҗә күтүш әмәс, пәқәт, вәзийәтни чүшинип меңиш мәқситидә болған. Бу, йәнә бир түрдики инкас қилғучи кишиләр болуп, бу хилдики көзәткүчи кишиләрдин бири, уйғур елидә 15 йил алий мәктәп оқутқучиси болған, һазир америкида яшаватқан, илшат һәсәнҗан әпәндидур.

Һөрмәтлик оқурмәнләр, немә үчүн уйғурлар 17 ‏- қурултайға қизиқмайду? бу сиясәткә қизиқмаслиқтинму? яки өз сиясий тәқдири үстидә баш қатурмиғини үчүнму? илшат һәсәнҗан әпәндиниң мулаһизиси юқири соалларға "яқ" дәп җавап бериду.

юқиридики улиништин, мухбиримиз шөһрәт һошурниң хитай коммунист партийисиниң 17 ‏- нөвәтлик қурултийиға қарита икки хил көз қараштики кишиләр билән елип барған сөһбәтлириниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт