17 ‏- Qurultay we Uyghurlar


2007-10-19
Share

Bügün, xitay kommunist partiyisining 17 ‏-nöwetlik qurultiyining 5 ‏- küni. Bu programimizda, Uyghurlarning bu qurultaygha qarita diqqet ‏- étibari qanchilik? diqqet qilghanlar qurultaydin némilerni kütüwatidu? dégen mezmunlar toghrisida, kanadada yashawatqan Uyghur yazghuchi zulpiqar bilen türkiyide yashawatqan Uyghur ziyaliysi oghuzxan, muxbirimizning so'aligha élxet arqiliq jawab qayturup, 17 ‏- qurultaygha diqqitini héch bermigenlikini, sewebining bolsa, bu qurultayda yéngi gep bolidighanliqigha ishenmesliki ikenligini bildürüshti. Bu xildiki inkas, weten ichidiki bir déhqan teripidinmu tekrarlandi.

Igilishimizche, weten ichidikiler peqet oyushturulghan sorunlardila qurultay programmilirini körüwatidu؛ emma mundaq teshkillinishtin xaliy kishiler, bu yighin'gha diqqet ‏- étibarini bermeydu, peqet bir qisim ziyaliylarla, bu qurultayni diqqet bilen közitiwatidu. So'allirimizgha bérilgen jawablardin qarighanda, bularning közitishimu, qurultaydin, alahide netije kütüsh emes, peqet, weziyetni chüshinip méngish meqsitide bolghan. Bu, yene bir türdiki inkas qilghuchi kishiler bolup, bu xildiki közetküchi kishilerdin biri, Uyghur élide 15 yil aliy mektep oqutquchisi bolghan, hazir amérikida yashawatqan, ilshat hesenjan ependidur.

Hörmetlik oqurmenler, néme üchün Uyghurlar 17 ‏- qurultaygha qiziqmaydu? bu siyasetke qiziqmasliqtinmu? yaki öz siyasiy teqdiri üstide bash qaturmighini üchünmu? ilshat hesenjan ependining mulahizisi yuqiri so'allargha "yaq" dep jawap béridu.

Yuqiridiki ulinishtin, muxbirimiz shöhret hoshurning xitay kommunist partiyisining 17 ‏- nöwetlik qurultiyigha qarita ikki xil köz qarashtiki kishiler bilen élip barghan söhbetlirining tepsilatini anglaysiler.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet