Albaniyidiki Uyghurlarning arzu - armanliri


2007-08-17
Share

Albaniyediki 5 Uyghurni ziyaret. Sözde, ababekri qasim. Photo by RFA/Erkin Tarim

Gu'entanamo türmisidin qutulup chiqip albaniyige yerleshtürülgen Uyghurlarning teqdiri hemme Uyghur qiziqidighan we köngül bölidighan mesilige aylan'ghan idi. Ularning türmidin qutulup erkinlikke chiqish jeryanini belki hemmimiz dégüdek xewerlerdin qiziqish we teshwish ichide anglighan bolushimiz mumkin.

Mana, közni yumup achquche ular albaniyige yerliship normal hayat bashlighilimu 15 ay bolup qaptu. Undaqta, ular albaniyide qandaq turiwatidu, némiler bilen meshghul boliwatidu, bu jeryanda némilerni hés qildi, kelgüsidin némilerni kütiwatidu? elwette radi'o anglighuchilirimiz bu mesililergimu qiziqishi mumkin.

Biz 8-ayning 7-küni albaniyining tirana shehirige ularni yoqlap barghinimizda ebubekri qasim bashchiliqidiki gu'entanamodin albaniyige yerleshtürülgen 5 neper Uyghur bilen körüshüp ular bilen yuqiridiki témilar asasida mungdashqan iduq. Albanlar til we örp - adet jehettin Uyghurlargha oxshimighachqa, ular, uyerde nurghun qiyinchiliqlargha duchar boliwatqanliqini, ularning birdin - bir arzusining tili we örp -aditi özige yéqin bolghan qérindash, dindash dölet bolghan türkiyige kélip yashash ikenlikini éytti. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet