"Armiyini himaye qilish" dégen Uyghur xelqighe mejburiy téngilghan siyasiy heriket


2006.07.31
Share on WhatsApp
Share on WhatsApp

armiye-yertwresh-200.jpg
2003 – Yili féwralda chongqurchaqta yer tewrigendin kéyin, bir xitay azadliq armiyisi eskiri yolda posta turmaqta. AFP

"Shinxu'a agéntliqi", "shinjang géziti", iqtisad géziti" qatarliq xitayche uchur tarmaqlirining xewer qilishiche, 7 ‏- ayning 31 ‏- küni ürümchide armiyini himaye qilish, xelqni söyüsh nemunichilirini mukapatlash chong yighini" dep atalghan bir chong yighin échilghan. Yighinda xitay kommunist partiye merkiziy komitéti siyasiy byurosining ezasi wang léchu'en ghulja shehiridiki sayboyi ahalilar komitéti qatarliq armiyini söyüsh" buyiche nemunichi orunlargha, qadir baqi qatarliq armiyini söyüsh" we "milletler ittipaqliqi nemunichiliri" dégen shexsiylerge, xitay armiyisining "xelqni söyüsh buyiche nemunichi orun" dégen qisimlirigha sherep mukapati bergen. Bu yighin'gha lenju herbiy rayonining koméssarimu kélip qatnashqan.

Xitayning uchur - waste tarmaqliri Uyghur aptonom rayoni 50 nechche yildin buyan xitayning dölet mudapi'e qisimliri üchün 2 milyard 500 milyon yü'endin artuq pul meblegh salghanliqi؛ 3 milyon 400 ming modin artuq yer -zémin ajritip bergenliki؛ xitay dölet mudapi'e qisimliridin chékin'gen herbiylerdin 200 mingdin artuq kishini qobul qilip wezipige orunlashturghanliqi؛ xitayning dölet mudapi'e qisimlirining a'ile teweliridin 60 mingidin artuq kishini ishqa orunlashturghanliqi؛ xitayning dölet mudapi'e qisim xadimlirining baliliridin 110 mingdin artuq kishini mekteplerge qobul qilghanliqi qatarliqlarni Uyghur aptonum rayonining xitayning dölet mudapi'e qisimliri üchün qoshqan töhpiliri dep alahide gewdilendürüp medhiyiligen.

Bash shtabi gérmaniyidiki dunya Uyghur qurultiyining bash katibi dolqun eysa ependi bu munasiwet bilen ziyaritimizni qobul qilip, néme üchün xitay hökümiti 1 ‏- awghust armiye bayrimini Uyghurlargha qarita alahide siyasiy tüs bilen élip baridighanliqining seweblirini tehlil qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.