Чәтәлләрдики уйғур аяллар уйғур елидики аялларниң кишилик һоқуқ мәсилилиридин әндишә қилмақта


2007.03.28

Хитай һөкүмитиниң уйғур деһқан әмгәк күчлирини хитай өлкилиригә йөткәш пилани 2002 - йили рәсмий йолға қоюлушқа башланған иди,шундин етибарән йилиға бир милйон әтрапида яш әмгәк күчлири хитай өлкилиридики завут‏- карханиларға ишләмчиликкә әвәтилмәктә.

Хитай һөкүмити уйғур елидин хитай өлкилиригә йөткимәкчи болған ишләмчиләрниң санини бу йил бир милйон 200 миңға йәткүзмәкчи . Буниң йеримини йезилардики деһқан әмгәк күчлири тәшкил қилидикән, уйғур елидин һазирғичә йөткәлгән бу ишчиларниң ичидә той қилмиған яш уйғур қизлириниң нисбити алаһидә юқири салмақни игиләйду . Уйғур йезилиридин игилигән мәлуматлиримиздин уйғур қизлириниң хитай өлкилиригә ишқа орунлаштуруш баһанисида түркүмләп мәҗбурий елип кетиливатқанлиқи һәмдә уларниң барған җайлирида инсаний һәқ һоқуқлириниң дәхлигә учратқанлиқи ашкариланди.

Уйғур қизлириниң хитай өлкилиригә ишләмчиликкә түркүмләп елип кетиливатқанлиқи һәмдә улар дучар болуватқан вәзийәт, чәтәлләрдики уйғурлар һәмдә уйғур тәшкилатлириниң диққитини қозғиған бир мәсилигә айланди. Шу сәвәблик мухбиримиз гүлчеһрә, йеқинда вашингтонда ечилған аялларни демократийә һәмдә кишилик һоқуқ бойичә тәрбийиләш йиғиниға кәлгән вәкилләрдин қазақистан уйғур аяллириниң вәкили, қазақистан уйғур анилар кеңишиниң рәиси турсунай тейипова ханим, канада уйғур аяллириниң вәкили руқийә ханим, австиралийидин йетип кәлгән ханим ‏- қизлар вәкили зубәйрә ханимларни мулаһизигә уюштурди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.