Rabiye qadir xanim, 10 ‏- nöwetlik xelq'ara kishilik hoquq höjjetlik filim féstiwali bahalash komitétining ezaliqigha saylandi


2007-10-09
Share

Chéx jumhuriyitining sabiq prézidénti wsalaw xawel, chéx medeniyet minstiri we praga shehirining bashliqining riyasetchiliki we sahipxanliqida ötküzülidighan ‏10- nöwetlik xelq'ara kishilik hoquq höjjetlik filim féstiwali 2008‏- yili 3‏- ayning 5‏- künidin 13‏- künigiche dawamlishidighan bolup, bu féstiwal sherqiy yawrupada kommunizm hakimiyiti gumran bolghandin kéyin, rayonda qurulghan eng aktip we eng küchlük kishilik hoquq we insani yardem teshkilati hésablan'ghan dunya hajetmenler teshkilati teripidin oyushturulghan.

Rudolf wrb a bahalash komitéti dep atalghan mezkur komitét ezaliri bolsa, öz xelqining milliy musteqilliq, kishilik hoquq we démokratiye kürishige yitekchilik qilghan, xelqining erkinliki we kishilik hoquqini qolgha keltürüsh üchün dadilliq bilen küreshke atlinip, öz jénini pida qilghan, dunyada kishilik hoquq qehrimanliri dep tonulghan rehberler we pa'aliyetchilerdin teshkil tapqan.

Uyghur milliy herikitining rehbiri we dunya Uyghur qurultiyining re'isi rabiye qadir xanim, dunyadiki dangliq kishiler qatarida, 10‏- nöwetlik xelq'ara kishilik hoquq höjjetlik filim féstiwali bahalash komitétigha saylan'ghanliqidin nahayiti xoshal ikenlikini ipadilidi.

Rabiye qadir xanim, féstiwalgha qatnishish üchün kéler yili mart éyida chéx jumhuriyitige baridighanliqini we bu féstiwal jeryanida chéx hökümet xadimliri we siyasetchiliri bilen körüshüp, Uyghur mesilsini sherqiy yawrupa döletliride téximu yaxshi tonushturushqa we chéx hökümiti, xelqi shundaqla pütün sherqiy yawrupa döletlirining diqqitini Uyghur mesilisige tartishqa tirishidighanliqini bildürdi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet