Xitayning gherbni échish siyasiti Uyghur éli hem xelqige nimilerni élip keldi ? (1)


2004.11.24

Uyghur éli hökümet axbarat torining élan qilghan xewirige qarighanda, xitay hökümiti gherbni échish istratégiyisining besh yilliq netijilirini yekünlesh meqsitide béyjingdiki xelq chong sariyida "gherbni achquchilarni mukapatlash yighini" chaqirghan bolup, ablet abdurishit hem tömür dawametler, xitay kommunistik partiye merkiziy komitéti rehberliri bilen birge, ilghar bahalan'ghan gherbni échish awan'gartlirini mukapatlimaqta iken.

Mezkur yighinda xitayning gherbiy rayoni atalghan jaylarning biri bolghan Uyghur aptonum rayonida bu besh yil jeryanida her qaysi sahelerde asman- zémin tereqqiyatlar körülgenliki heqqide doklatlar bérilgen.

Hökümetning maxtinidighini

Uningdin bashqa gherbni échish siyasitining besh yilliq xulasisi ürümchi partikomi teripidinmu mexsus yighinlar arqiliq élip bérilghan bolup, ürümchi partkomining sékritari yang gang mexsus söz qilip, gherbni échish siyasiti élip bérilghan bu besh yilda "muqimliq hemmini bésip chüshidu" digen xizmet prinsipida ching turup, gherbni échish islahatining rayonimizda muweppiqiyetlik, netijilik élip bérilishigha kapaletlik qilindi. Bu jeryanda rayonimiz iqtisadiy pen- téxnika, ishlepchiqirish qatarliq her jehetlerde tereqqi qildi dep mexsus doklat bergen.

Gerche xitay hökümiti gherbiy rayonlarni échish istratégiyisini, xitayning chet chégra gherbiy rayonliri hésablan'ghan, shinjang, gensu qatarliq jaylarning iqtisadini tereqqiy qildurush, xelqning turmush sewiyisini östürüshni we bu rayonlarning tereqqiyatini xitayning déngiz boyi rayonlirigha oxshash sür'ette tereqqiy qildurushni meqset qilghan bir siyaset dep teshwiq qilip, bu jeryanda Uyghur élida gherbning gazini sherqqe yötkesh, gherbning tokini sherqqe yötkesh, dégendek siyasetlerni élip bardi. Xitay hökimiti, gherbni échish siyasiti élip barghan bu besh yilni, Uyghur élige misli körülmigen tereqqiyatlarni élip keldi deydu.

Esli mahiyiti

Epsuski, Uyghur élining iqtisadiy, xelqning turmush ehwali, nopus köpiyish ehwali hemde muhit bulghinish mesililiri heqqide élan qiliniwatqan doklatlar hem sanliq melumatlar shuningdek yerlik Uyghur xelqining radi'omizgha bergen melumatliridin yene chet'ellerdiki Uyghur teshkilatlirining körsetken doklatliridin, xitay hökimiti gherbni échish siyasiti qollan'ghan bu besh yil jeryanida Uyghur xelqining turmush sewiyisi ösmeyla qalmay ishsizliq, , hemde kemsitilish sewebliridin téximu namrat qéliwatqanliqi melum. Bezi Uyghurlar Uyghur élining yer asti hem üsti bayliqlirining gherbni échish bahanisida téximu téz sür'ette toshuliwatqanliqini, buning Uyghur élige iqtisadiy we ékologiyilik apetlerni élip kéliwatqanliqini ilgiri süridu.

Chet'ellerdiki Uyghur teshkilatlirimu xitay hökümitining gherbni échish bahanisida Uyghur éli hem xelqige yenimu éghir balayi- apetlerni élip kéliwatqanliqi heqqide naraziliq bildürüp keldi. Biz bu munasiwet bilen dunya Uyghur qurultiyining bash katipi dolqun eysa ependi bilen söhbette bolduq. Dolqun eysa ependi mundaq dep bildürdi:

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.