Kérimofning béyjing sepirining muddi'asi néme?

• Muxbirimiz ümidwarning bu heqtiki toluq bayanlirini
• Download story audio

11-Séntebir weqesidin kéyin, amérikining ittipaqchisigha aylinip, öz dölet bixeterliki shuningdek öz ornini uzun'ghiche saqlap qélishning kapaletke ige bolghanliqigha ishen'gen özbékistan prézidénti islam kérimof 13-14-may künliri yüz bergen endijan weqesining sewebi tüpeylidin birdinla amérika qoshma shitatliri, yawropa ittipaqi hetta NATO ning tenqidige uchridi. Mana mushundaq shara'itta u xitayni ziyaret qilip, béyjing rehberliri bilen bir qatar kélishimlerni tüzdi.

Yawropa ittipaqi we bir qanche gherb döletliri hökümetliri endijandiki weqening emeliy ehwali heqqide tekshürüsh élip bérishni otturigha qoyghan bolsimu, biraq bu islam kérimofning ret qilishigha uchridi. U xelqara metbu'atlardiki endijan weqesi jeryanida 750 din artuq ademning ölgenliki, hökümet qoshunlirining namayishchi ammigha qoral ishletkenliki qatarliq uchurlarni inkar qilish bilen birge yene bu weqeni térrorchilarning peyda qilghanliqini körsetti. Lékin, yawropa ittipaqi, birleshken döletler teshkilati, nato qatarliq abroyluq xelqariliq teshkilatlar shuningdek bezi insan hoquqi teshkilatliri hemde amérika, en'giliye qatarliq gherb döletliri hökümetlirining tenqidiy pozitsiyide bolush tashkent rehbiri üchün oylimighan derijidiki éghir zerbe hésablan'ghan bolup, özbékistan musteqilliqqe ériship, u prézidéntliq wezipisini dawamlashturiwatqan on nechche yildin buyan bundaq küchlük ashkara tenqidke téxi duch kelmigen.

Islam kérimof mana mushundaq özi üchün paydisiz ehwalda, béyjingni ziyaret qilip, béyjing rehberliri bilen bir qatar kélishimlerni tüzüp, ularning himayisige érishken.(Ümidwar)