Az sanliq milletlerning iqtisadini yaxshilash milliy ziddiyetlerni tinjitishning yolimu?

• Muxbirimiz gülchéhrening bu heqtiki programmisining toluq nusqisi
• Download story audio

Xitay kompartiyisi merkiziy komitéti siyasiy byurosi 31 - may küni béyjingda milletler xizmet yighini chaqirdi. Yighinda xitay kompartiyisi bash sékritari xu jintaw, merkiziy byuroning milliy aptonomiyilik jaylarning muqimliqi we tereqqiyatini ilgiri sürüp, milliy siyasetlerning emeliylishishini kapaletlendürüsh heqqidiki mexsus qararini élan qilghan.

Xitay axbaratlirida bérilgen buninggha da'ir xewerlerde körsitilishiche, xitay rehberlirining mezkur yighinda chiqarghan qararida, milliy aptonomiye siyasitining döletning özgermes tüp siyasiti ikenliki eskertilip, bundin kéyin milliy aptomiyilik jaylar hemde az sanliq milletlerning iqtisadini tereqqiy qildurushni dawamliq aldinqi siyasiy istratégiye qilish, az sanliq milletlerning tereqqiyatini zamaniwi idiye, ilghar pen - téxnika arqiliq ilgiri sürüsh, az sanliq milletlertereqqiyatidiki qiyin mesililerni hel qilish, milliy aptonomiye siyasiti hem qanunlirining ijra qilinishini emeliyleshtürüsh qatarliqlar mesililer bayan qilin'ghan bolup, uningda yene milliy aptonomiyilik jaylardiki az sanliq milletlerning öz medeniyiti, ma'aripi hemde bashqa sahelirini tereqqiy qildurush hoquqlirining emeliylishishini kapaletlendürüsh, milletler ittipaqliqini ilgiri sürüsh qatarliqlar tekitlen'gen.

Fransiye axbarat agéntliqining xewer qilishiche, xu jintaw mezkur yighinda, az sanliq milletlerning iqtisadiy ehwalini yaxshilashqa alahide köngül bölüshni tekitlep "xitaydiki az sanliq milletlerning iqtisadiy ehwalini yaxshilash, milliy toqunushni yoqitishning eng muhim amili" dégen hemde yene, Uyghur we tibet musteqilliq pa'aliyetchilirini eyiblep, bölgünchilik pa'aliyetlirige qarshi élip bériwatqan küreshning uzun muddetlik ikenlikini körsetken.

Xewerde éytilishiche, xu jintaw yighinda yene, az sanliq milletlerning til -edebiyat, örp - adet hem medeniyitige hörmet qilish, uni mejburiy özgertishke urunmasliq heqqidimu toxtalghan.

Xitay kompartiyisi merkiziy komitétining, bu peytte, milliy mesililerni tilgha élip, az sanliq milletlerning iqtisadini yükseldürüshning muhim siyasiy istratégiye ikenliki heqqide mexsus qarar chiqirishi, chet'ellerdiki Uyghur ziyaliyliri arisida ghulghula qozghimaqta.

Uzundin buyan, xitayning az sanliq milletlerge yürgüzüwatqan siyasiti heqqide tetqiqat élip bériwatqan, amérikida yashawatqan Uyghur ziyaliyliridin dangliq obzorchi sidiq haji rozi ependi ziyaritimizni qobul qilip, bu heqte muxbirimizning so'allirigha jawab berdi.

• Sidiq haji rozi ependi bilen ötküzülgen söhbet
• Download story audio