Qirghizistandiki Uyghurlar xitay elchixanisi aldida namayish qildi
-
2006-07-05 -
-
-
5-Iyol charshenbe küni qirghizistandiki Uyghurlar béshkektiki xitay elchixanisi aldida namayish ötküzüp, xitay hökümitidin rabiye qadirning perzentlirini we hüsenjan jélilni qoyup bérishni telep qildi.
Namayishchilarning arisida hüsenjanning ayali kamilening qirghizistandiki tuqqanlirimu bar bolup, ular xitay elchixanisi aldida " biz Uyghur xelqining hoquqlirini depsende qilghan shangxey teshkilatining kélishimlirige qarshi naraziliq bildürimiz" dégen xetler yézilghan lozonkilarni kötirip" rabiye qadirning baliliri qoyup bérilsun " , " hüsenjan jélil qoyup bérilsun!" , " Uyghurlargha azatliq!" , " yashisun démokratiye, yashisi'un erkinlik!" dégendek shu'arlarni towlashqan.
Béshkektiki Uyghurlar buningdin awalmu özbékistan hökümitining hüsenjanni xitaygha qayturup bergenlikige narazi bolup, özbekistanning béshkektiki elchixanisi aldida namayish élip barghan idi. Kanada puqrasi hüsenjan jélil april éyida tuqqan yoqlash üchün özbékistan'gha barghanda, özbékistan da'irliri teripidin qolgha élinip türmige tashlan'ghan shundaqla uzun ötmey xitaygha tapshurup bérilgen idi.
Nöwette Uyghurlar we kishilik hoquq teshkilatliri xitay hökümitining hüsenjanni térrorchiliq jinayiti bilen eyiblep étip tashlishidin endishe qilmaqta.
Munasiwetlik maqalilar
- Uyghur aptonom rayonluq wekiller ömiki özbékistanni ziyaret qilmaqta
- Kanada hökümiti hüsenjan jélil mesilsini diplomatik yollar bir terep qilish üchün tirishchanliq körsetmekte
- Hüsenjan jilil mesilisi türkiye parlaméntigha élip kélindi
- Hüsenjan jélilning ayali kanada hökümitining yoldishini xitaydin qayturup kélishini ümid qilmaqta
- Hüseyin jililning xitaygha tapshurulushi némidin dérek béridu?