Uyghur karxanichi nihal üstüntagh Uyghurlargha yardem qilidighanliqini éytti


2006.07.05

Nihal-Ustuntagh.jpg
Nihal üstüntagh xanim (ongda)

Biz burunqi programimizda silerge 200 yil burun türkiyige kélip yerliship qalghan Uyghur a'ilisining ewladi bolghan adil üstüntagh ependini tonushturghan iduq. Adil üstüntagh ependi türkiyide Green Park méhmansaraylar zenjirining igisi bolup, hazir 5- méhmansariyi ishqa chüshüsh aldida turmaqta. Bulardin bashqa uning yene aptomobil lampisi ishlep chiqiridighan bir zawutimu bar bolup, türkiyide közge körün'gen karxanichilardin biridur.

Adil ependimning qizi nihal üstüntagh bolsa shirketler guruhining ijra'iye hey'et ezasi bolup, u enqerege kelgende radi'omizni alahide ziyaret qildi we Uyghur qérindashliri heqqide melumat aldi. Biz nihal üstüntaghh xanimning radi'omizgha kelgenliki munasiwiti bilen uning bilen söhbet élip barduq.

Erkin tarim: Hörmetlik nihal xanim, aldi bilen özingizni radi'o anglighuchilargha tonushturup ötsingiz qandaq?

Nihal xanim: silerge rexmet éytimen. Siler bilen tonushush men üchün buyuk bir sherep we bexit. Men 1975-yili istanbulda tughuldum. Istanbul uniwérsitéti igilik bashqurush fakultétini püttürdüm. 10 Yildin buyan sayahetchilik kespide ishlewatimen. 3 Yil maliye we bankilarda ishligen idim, kéyinki 10 yildin beri dadamning yénida sayahetchilik ishlirida ishlewatimen. Bir dadining yénida ishleshning qiyinchiliqi hem asanliqi bilen yolumgha dawam qiliwatimen.

Erkin tarim: Hörmetlik nihal xanim, shirkitingizning ishliridin bizge melumat bergen bolsingiz?

Nihal xanim: bizning istanbulda 3, kocha'eli mashukiyede bir bolup, jemi 4 méhmansariyimiz bar. Adette sheher méhmanhanichiliqi bilen shughullinimiz. Birinji méhmanhanimiz 1995-yili istanbulning merkizi taksimde bashlighan. Bu sahege kirishimiz rehmetlik jumhur re'isi turgut özelning teshwiq qilishi bilen bolghan, chünki umu malatyaliq idi. 2001-Yili ikkinchi méhmanimizni istanbulning merter dégen yéride achuq. Bu yerde chong yighin zalliri, tenterbiye kulupliri, saghlamliq we güzellik merkezliri bar. Bu yerning alahidiliki istanbuldiki atatürk xelq'araliq ayrodromgha yéqin bolushidur. 2003- Yili istanbulning asiya yaqisidiki bostanji dégen yerge yene bir 5 yultuzluq méhmanxana salduq. 4-Méhmanhanimiz istanbulgha bir sa'etlik yol bolghan izmit kocha'elide taghqa sélin'ghan méhmansaraydur. Bu yer kar téyilish merkizi bolup, 12 ay boyiche xizmet qilidu. Bu yer tagh béshigha jaylashqanliqi üchün tebi'etning putun güzellikini körgili bolidu. Méhmanhanigha bara barmayla burnin'ghizgha qelempur we jigde puraqliri purashqa bashlaydu. U yerde qishta qar téyilishqa, arshanggha kirishke bolidu. Yazda bolsa tenterbiye türliri bilen shughullinishqa, dala tamiqi qilishqa, sap hawa yégili bolidu. Mashukiye téghi démek, ashiq meshuqlar téghi démektur. Shunga bu yer tolimu romantik. Dem élish we sayahet üchün bekmu uyghun. Bu yerde chong we kichik tiptiki yighin zallirimiz bar. Shunga bu yerde herxil yighin échishqa bolidu. Uyghur méhmanlirimizning bu yerge kélishini qizghin qarshi alimiz.

Erkin tarim: Siz bu shirketler guruhida némige mes'ul bolup ishleysiz?

meter.jpg
Merterdiki Green Park méhmanxanisi

Nihal xanim: men birinji derijide mes'ul bolghan 4 bölüm bar. Birinjisi élan we xelk bilen munasiwetler, ikkinjisi bilim we téxnologiye, üchünchisi, maliye, tötünmjisi xizmetchi xadim qobul qilish, ularni terbiyeleshtin ibaret. Herkimning talantigha qarap turup ish bérish bek muhim. Kishilerni qabiliyitige qarap turup ishlitish kérek. Bu xizmetning ünümini artturushta bek muhim.

Erkin tarim: Hörmetlik nihal xanim, dadingiz adil üstüntagh bilen élip bargha n söhbitimizde u bowisining Uyghur diyaridin kelgenlikini, u yerde igiz bir tagh bolghachqa familisining üstüntagh ikenlikini sözlep bergen idi. Siz bularni bilemsiz?

Nihal xanim: elwette bilimen. U yerler méning esli tupraqilirim, men kelgen tupraqlar. U yerge barghan bolsam tolimu memnun bolattim. Méning közüm türklerge nisbeten biraz kichik. Shunga ular bir qarashtila mening u yerlik ikenlikimni biliwalidu. Ana tupraqlirimizni körüsh pursitige érishishni tolimu arzu qilimen. Ama jemetim heqqide jiq melumatqa ige bolush, izdinish pursitim bolmidi. U yerlerni bérip choqum körimen. Qolumdin kélishiche yardem qilimen.

Erkin tarim: Bügün Uyghur diyaridin bashqa dunyaning herqaysi döletliride Uyghurlar yashaydu. Siz bilen tonushushni arzu qilghanlar siz bilen alaqe qursunmu?

Nihal xanim: men bu yerdin hemmisige salam yollaymen. Allah ularni oz panahida saqlisun. Ular méning qérindashlirim. Qachan türkiyige kelse, istanbulgha yoli chüshse meni izdise bolidu. Méning téléfon nomurum:

Arqiliq yaki
Arqiliq manga FAX yollisa bolidu. Men choqum jawap qayturimen.

Erkin tarim: Eng axirida radi'o anglighuchilirimizgha nime démekchisiz?

Nihal xanim: silerni tonughanliqimdin bek memnun boldum. Hemminglargha hörmetlirimni we salamlirimni yollaymen. Hemmeylenni bu yerde kütimen. Menmu eng qisqa waqit ichide choqum u yerlerge bérip qérindashlirim bilen yuz körüshüshni arzu qilimen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.