Norwégiyidiki wetenperwer Uyghur qiz nilufer

• Ixtiyari muxbirimiz abdusemetning bu heqtiki melumati
• Download story audio

1949 - Yili Uyghur wetini kommunist xitay hakimiyitining tomur tapini astigha chüshkendin kéyin, eysa yüsüp aliptékin, muhemmet imin bughragha oxshash péshiwalirimiz, "weten üchün wetendin ayrilip" chetlerde Uyghur dewasini bashlighan we pütün hayatini bu muqeddes dewa serip etken idi. Mana bügün ejdatlirimiz bashlighan bu büyük dewa kündin – kün'ge küchiyip dunyagha keng tonulushqa bashlidi.

Uyghur dewasining bügün'giche yétip kélishi we téximu küchiyishide elewettiki dewa ishlirimizgha bash bolghan yetekchilirmizning, teshkilatchi-terghibatchilirimizning oynighan rolining pewqul'adde zor. Shuning bilen birge ulargha egeshken, özlirining weten-millet aldidiki wijdani burchini tonup, dewa ishlirigha kuch qoshqan, türluk yollar bilen un-tünsiz pidakarliq körsitip kelgen ghururluq kishilirimizning ejir we tohpilirimu towen mölcherligili bolmaydu.

Hazir norwégiyide yashawatqan niluper del ene eshundaq dewa ishlirimizgha özini atighan ghururluq yashlirimizdin birsi. Yéshi emdila 20 din halqighan niluper norwégiyide xitaygha qarshi élip bérilghan her qétimqi namayishta bolsun yaki bashqa pa'aliyetlerde bolsun hemishe sepning aldida. Bu yil 10-ayning 1-kuni xitayning dölet bayrimi munasiwiti bilen oslo shehride ötküzülgen daghdughiliq namayish we kocha yürüshide, u özligidin birmunche ejir qilip yasap chiqqan qara gülchembirek xitay elchixanisi aldigha qoyulup wetendashlirini qattiq tesirlendurdi.U yene norwégiyige kelginige emdila bir yil bolishigha qarimay, norwégiye tilini tiriship öginip, Uyghurlardin tunji bolup norwégiye tilida Uyghurlarni tonushturup maqale yézip norwégiye gézitide élan qildi. Undin bashqa niluper yene weten –millet, milli ghurur we edep exlaq témisida ötkür shé'irlarni yézip, türlük sorunlarda diklamatsiye qilip jama'etchilik arisida küchlük tesir peyda qildi.

Biz niluper qizning weten-millet heqqidiki pikir-chüshenchiliri, ghaye-meqsetliri, shuningdek muhajirette yashawatqan wetendashlirigha éytidighan tewsiye hem telepliri bilen chongqurraq tonushup chiqish üchün uni biwaste ziyaret qilduq.