Qehriman ghojamberdi xitay da'irilirining özini zeherlik chékimlik sodisigha arilishish bilen eyibligenlikige inkas qayturdi

• Muxbirimiz eqidening bu heqtiki melumati
• Download story audio

Xitayda chiqidighan "xelq'ara awan'gard yétekchiliri" gézitide , sherqiy türkistan küchlirini xelq'ara zeherlik chékimlik guruhi bilen til biriktürmekte" dep élan qilindi. Mezkur gézit yene, Uyghur aptonum rayonluq jama'et xewepsizlik nazaritining sözini neqil keltürüp, " qazaqistanda yashaydighan qehriman ghojamberdi, adem ewetip chégrimiz ichide zeherlik chékimlik guruhi uyushturghan we chégra éghizidin dölitimizge zeherlik chékimlik yötkimekchi bolghan " dédi.

Istansimizning ziyaritini qobul qilghan dunya Uyghur qurultiyining bayanatchisi dilshat réshit buninggha derhal inkas qayturup, "xitay da'iriliri tigh uchini , qehriman ghojamberdige qaritip, uninggha pütünley töhmet chaplidi" dep tekitlidi. Bu arida dunya Uyghur qurultiyining bash katipi dolqun eysa ependi hemde mezkur xewerde tilgha élin'ghan dunya Uyghur qurultiyining qazaqistanda turushluq wekili qehriman ghojamberdi ependi ziyaritmizni qobul qildi.

Bu heqtiki melumatlarni, muxbirimiz eqidening mexsus programmisidin anglang.