قىرغىزىستاندا رادىئو ئاڭلىتىش يولغا قويۇلغىنىغا 75 يىل بولدى


2006.09.28

قىرغىزىستاندا رادىئو ئاڭلىتىشىنىڭ باشلانغانلىقىغا 75 يىل توشقان بولۇپ، بۇ مۇناسىۋەت بىلەن قىرغىزىستان رادىئو – تېلېۋىزىيە كومىتېتى مەخسۇس خاتىرىلەش مۇراسىمى ئۆتكۈزدى.

قىرغىزىستان رادىئوسىدا قىرغىز، رۇس تىللىرىدا ئاڭلىتىش بېرىلگەندىن باشقان يەنە ئون نەچچە يىللاردىن بۇيان تەڭرىتاغ سادالىرى دېگەن نام ئاستىدا ئۇيغۇر تىلىدا ھەم تۇڭگان تىلىدا ھەپتىگە بىر سائەتتىن ئاڭلىتىش بېرىلىدۇ.

قىرغىزىستان ئۇيغۇرلىرى مەزكۇر ئۇيغۇرچە پروگرامما ئارقىلىق ئۆزلىرىنىڭ ھەم جۇمھۇرىيەتنىڭ يېڭى ئەھۋاللىرىدىن خەۋەر تاپىدۇ، ئۇنىڭدىن باشقا يەنە ئۇيغۇر تىلىدىمۇ ئايدا بىر قېتىم 30 مىنۇت تېلېۋىزىيە پروگراممىسى بېرىشمۇ يولغا قويۇلغان ئىدى. لېكىن، ھۆكۈمەت سىتاتىسىتىكىسى بويىچە سانى 50 مىڭ دەپ قارىلىتىۋاتقان قىرغىزىستان ئۇيغۇرلىرىنىڭ رادىئو – تېلېۋىزىيە پروگراممىلىرىغا بولغان ئېھتىياجىنىڭ زور ئىكەنلىكى بىلدۈرۈلمەكتە.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.