2000 Qizni öz yurtigha ishqa orunlashturush bilen xelqning naraziliqini peseytkili bolamdu?

Xitay da'irilirining éshinchi emgek küchlirini ishqa orunlashturush we namrat Uyghur déhqanlirini halliq sewiyige yetküzüsh dégen'ge oxshash nahayiti chirayliq namlar bilen Uyghur qizlirini xitayning ichkiri ölkiliridiki zawut - karxanilarda ishlitish mesilisi, nöwette Uyghurlar köngül bölüwatqan eng muhim mesililerning biri.

Uyghurlarning kishilik hoquq teshkilatliri xitay da'irilirining bu herikitige izchil türde qarshi turup keldi we "néme üchün Uyghur qizliri öz yurtlirigha ishqa orunlashturulmay, turmush örp ‏- aditi, tili we dini tamamen oxshimaydighan xitay ölkiliride ishqa orunlashturulidu?"dégen'ge oxshash naraziliqlirini bildürdi shuningdek qizlarning türlük paji'elerge yoluqidighanliqidin endishe qilishqan idi.

Chet'ellerdiki Uyghur teshkilatlirining qiyas qilghinidek, nöwette xitaydiki Uyghur qizliri her xil échinishliq ehwallargha duch kelmekte we kishilerning bu heqtiki naraziliqimu kündin - kün'ge kücheymekte. Del mushu peytte, xitay metbu'atlirida toqsu nahiyesidiki 2000 qizning aqsu toqumichiliq zawutigha ishchiliqqa orunlashturulghanliqi hemde qizlarning aldi 1100 yüendin ma'ash élip, béyish yoligha qarap mangghanliqi élan qilindi.

Bu heqte mulahize yürgüzgen Uyghur teshkilatlirining mes'ulliri, buning bir aldamchiliqtin ibaret ikenlikini bildürmekte.

Yuqiridiki ulinishtin, bu mesile heqqidiki tepsilatlarni muxbirimiz eqidedin anglaysiler.