0:00 / 0:00
يېقىندا "دۇنيا گېزىتى" نىڭ بېيجىڭدىن بەرگەن خەۋىرىدىن مەلۇم بولۇشىچە، خىتايدا ھازىر ساختا ئۇرۇق ھەددىدىن تاشقىرى يامراپ كەتكەن ھەمدە بۇنىڭ زىيىنى پۈتۈنلەي دېھقانلارغا بولغان.. زىيانغا ئۇچرىغان دېھقانلار يۇقىرىلاپ ئەرز قىلغان بولسىمۇ ھېچقانداق ئۈنۈملۈك نەتىجىگە ئېرىشەلمىگەن.
ئۇيغۇر ئېلىدىكى دېھقانلارغا كەلسەك، ئۇلار ھەر يىلى ھۆكۈمەتتىن سۈپىتى ناچار بولغان ھەرخىل ئۇرۇقلارنى سېتىۋېلىشقا مەجبۇر بولغان.
ۋەتەندىكى چېغىدا مەلۇم بىر ناھىيىدىكى يېزا ئىگىلىك زىرائەت ئۇرۇقلىرىنى نازارەت قىلىش ئىدارىسىدا ئىشلىگەن، يېقىندا ۋەتەندىن ئايرىلىپ مالايسىياغا كەلگەن ئەخمەت ئەپەندى زىيارىتىمىزنى قوبۇل قىلىپ، بۇ ھەقتە بىلىدىغانلىرىنى ئېيتىپ بەردى.