Déhqanlargha bérishke tégishlik yer tölimi nisi qaldi


2005-02-03
Share

Uyghur élining tengritagh tor bétide seyshenbe küni bérilgen xewerge qarighanda. Uyghur élide 2004 - yildin buyan jem'iy 81milyon 500ming yu'en'ge yéqin yer tölimi éniqlan'ghan.

Ötken hepte échilghan Uyghur aptonum rayonluq iqtisad teptish xizmiti yighinidimu maliye iqtisad intizamigha xilapliq qilin'ghan türlük mesililerge chétishliq 6milyard 17milyon yu'en pul éniqlan'ghanliqi otturigha qoyulghan. Buning ichide déhqanlar menpe'eti bilen zich munasiwetlik bolghan yéza igiliki, yézilarning ma'arip, ishqa orunlishish, namratlarni yölesh mebleghliri xizmiti üstidinmu teptish qilinip, munasiwetlik délolargha chétishlik bir qisim kadir hem xadimlar tekshürülgen. Xewerde xitay hökümet da'irilirining -2004yili éniqlan'ghan 81milyon 500ming yu'en'ge yéqin yer tölem pulini déhqanlarning qoligha waqtida yetküzüp bérish üchün heriket qiliwatqanliqi tilgha élin'ghan.

Biz mezkur uchurgha asasen Uyghur élining munasiwetlik organliridin déhqanlargha bérishke tégishlik bu zor miqdardiki mebleghning néme seweptin nisi qalghanliqini igilishke tirishtuq. Epsus Uyghur aptonum rayonluq déhqanchiliq nazaritidin téléfonimizni alghan kishi bizning erkin asiya radi'osidin téléfon qiliwatqinimizni bilgendin kéyin téléfonni özdi.

Biz yene bir qanche munasiwetlik organlardin uchur élishqa tirishqan bolsaqmu netijisi oxshash boldi.

Uyghur élidiki déhqanlarning özlirige qayturushqa tégishlik yer tölimidin xewéri barmu- yoq ? hökümet tarmaqliri yer tölimini déhqanlarning qoligha yetküzdimu - yoq ? digen so'allargha jawap élish meqsidide biz yene Uyghur élining jenubidiki Uyghur yézilirigha téléfon uliduq. Qeshqerning yopurgha nahiyisining melum yézisidiki bir Uyghur déhqan, yer tölimining hazirgha qeder déhqanlarning qoligha tegmigenlikidin sirt, baj séliqning éghirliqidin déhqanlarning iqtisadi turmushining qiyinchiliqlargha yoluqiwatqanliqini éytti.

Uyghur élidin bérilgen xewerlerde, xitay hökümiti déhqanlarning menpe'etige kapaletlik qilip, toghra siyaset qolliniwatqanliqi üchün, déhqanlar turmushining barghanche yaxshilinip, her jehette menpe'etliniwatqanliqi teshwiq qilinidu, emma 81milyon 500ming yu'en'ge yéqin yer tölimining hazirghiche déhqanlar qoligha tegmesliki, xitay hökümitining ijtima'iy kapalet tüzümining qanchilik ünüm bériwatqanliqini körsitidighan bir mesile.

Xotenning melum yézisidin bir Uyghur déhqanlarning ehwali heqqide toxtilip, gerche déhqanlar zimmisidiki baj - séliqlar bu yil xéli yiniklitilgen bolsimu, hashar emgikining yenila dawamlishiwatqanliqini éytip berdi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet