Дуня уйғур қурултейи һәйәтлири түркийә парламентида

• Мухбиримиз әркин таримниң бу һәқтики толуқ мәлумати
• Download story audio

Д у қ муавин рәиси сейит түмтүрк әпәнди қатарлиқлардин тәркип тапқан уйғур һәйти 1 - айниң 7 - күни түркийә парламентини зиярәт қилип көп сандики рәһбәрләр вә парламент әзалири билән көрүшти. RFA Photo / Erkin Tarim

Д у қ муавин рәиси сейит түмтүрк әпәнди, тәптиш һәйити әзаси хәйрулла әфәндигил әпәнди, д у қ яшлар комитети түркийә вәкили абдулла турсун вә шәрқий түркистан маарип вә һәмкарлиқ җәмийити башлиқи абликим һаҗи қатарлиқлардин тәркип тапқан һәйәт 1- айниң 7- күни түркийә парламентини зиярәт қилип көп санда рәһбәрләр вә парламент әзалири билән көрүшти.

Уларниң бу қетимқи зиярити 2008- йилиниң биринчи қетимлиқ зиярити болуп, бу зияритидә түркийә парламенти маарип комитети башлиқи проф. Др. Мәһмәт сағлам, әдлийә комитети башлиқи әхмәт ийимая әпәнди, ташқи ишлар комитети башлиқи мурат мәрҗан вә парламент әзаси проф. Др. Җәлал әрбай қатарлиқ кишиләр билән учришип, уйғурларниң бүгүнки вәзийити вә түркийидә яшаватқан уйғурларниң мәсилилирини аңлатқандин башқа, д у қ рәһбири, уйғур милли һәрикитиниң башлиқи рабийә қадир ханим башчилиқидики уйғур давасиниң дунядики һазирқи вәзийити һәққидә мәлумат бәрди. Шундақла уйғурларниң қериндаш түрк дөлитигә болған тәләплирини оттуриға қойди.

юқиридики улиништин, мухбиримиз әркин таримниң бу зиярәт һәққидә, түркийә парламент бинаси ичидә, һәйәт башлиқи сейит түмтүрк әпәнди билән елип барған сөһбитиниң тәпсилатини аңлайсиз. (Әркин тарим)