Dunya Uyghur qurultéyi hey'etliri türkiye parlaméntida


2008-01-07
Share

D u q mu'awin re'isi séyit tümtürk ependi qatarliqlardin terkip tapqan Uyghur hey'ti 1 - ayning 7 - küni türkiye parlaméntini ziyaret qilip köp sandiki rehberler we parlamént ezaliri bilen körüshti. RFA Photo / Erkin Tarim

D u q mu'awin re'isi séyit tümtürk ependi, teptish hey'iti ezasi xeyrulla efendigil ependi, d u q yashlar komitéti türkiye wekili abdulla tursun we sherqiy türkistan ma'arip we hemkarliq jem'iyiti bashliqi ablikim haji qatarliqlardin terkip tapqan hey'et 1- ayning 7- küni türkiye parlaméntini ziyaret qilip köp sanda rehberler we parlamént ezaliri bilen körüshti.

Ularning bu qétimqi ziyariti 2008- yilining birinchi qétimliq ziyariti bolup, bu ziyaritide türkiye parlaménti ma'arip komitéti bashliqi prof. Dr. Mehmet saghlam, edliye komitéti bashliqi exmet iyimaya ependi, tashqi ishlar komitéti bashliqi murat merjan we parlamént ezasi prof. Dr. Jelal erbay qatarliq kishiler bilen uchriship, Uyghurlarning bügünki weziyiti we türkiyide yashawatqan Uyghurlarning mesililirini anglatqandin bashqa, d u q rehbiri, Uyghur milli herikitining bashliqi rabiye qadir xanim bashchiliqidiki Uyghur dawasining dunyadiki hazirqi weziyiti heqqide melumat berdi. Shundaqla Uyghurlarning qérindash türk dölitige bolghan teleplirini otturigha qoydi.

Yuqiridiki ulinishtin, muxbirimiz erkin tarimning bu ziyaret heqqide, türkiye parlamént binasi ichide, hey'et bashliqi séyit tümtürk ependi bilen élip barghan söhbitining tepsilatini anglaysiz. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet