Türkiyide milyonlarche insan shéhidliri üchün yash tökmekte


2007-10-24
Share

Ötken yekshenbe küni türkiye-iraq chégrisigha yéqin bolghan shemdinli wilayitidiki taghliq rayonda charlash élip bériwatqan türk armiyisining mashinisining astigha bomba qoyup 12 türk eskiri öltürülgendin kéyin, türkiye boyiche ishqi, xizmetchi, oqutquchi-oqughuchi, ammiwi teshkilatlar hemme birdek qoligha türk bayriqi élip, "yoqalsun p k k térroristliri, " we "shéhidler ölmes, weten bölünmes," dégen'ge oxshash sho'arlarni towlap namayishlar élip barmaqta.

Mushu yéqinqi bir ay ichide p k k térroristliri esker we ammidin bolup jem'iy 40tin artuq kishini öltürdi. Xewerlerge qarighanda bu térroristlar shimaliy iraqtin kélip, kishilerni öltürgendin kéyin qayta shimaliy iraqqa qéchip kétidiken.

Bu térroristlargha zerbe bérish üchün türkiye parlaménti ötken hepte shimaliy iraqqa esker ewetip térroristlarni jimiqturush üchün qarar chiqarghan idi. Del bu mezgilde yene 12 türk eskirining öltürülüshi türk xelqining qattiq ghezep nepritini qozghidi. Bügün yeni 10-ayning 24-küni türkiyining kün tertipidiki eng muhim mesililerdin biri türkiyining 11 wilayitide ötküzülgen 12 shéhitning jinaza murasimi idi.

Türkiyining ordu wilayitide 10 minglarche kishi shéhit zekerya yatining jinaza namizini chüshürdi. Ordu wilayitining Uyghurlar olturaqlashqan qumru nahiyiside ötküzülgen murasimgha ammiwi teshkilat mes'ulliri, we xelqtin terkip tapqan 20 ming etrapida kishi qatnashti. Bügün türkiye boyiche milyonlarche insan shéhitliri üchün yighlidi. (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet