Türkiyide élip bérilghan saylamda adalet we tereqqiyat partiyisi zeper quchti

• Muxbirimiz erkin tarimning bu heqtiki toluq melumati
• Download story audio

Türkiyide yekshenbe küni yeni 7 - ayning 22 - küni saylam élip bérildi.14 Partiye qatnashqan saylamda 5 yildin béri hakimiyet béshida bolghan adalet we tereqqiyat partiyisi % 47.6 Awaz bilen birinchi bolup, öz aldigha hökümet qurush salahiyitige ige boldi we 341 parlamént ezasi parlaménttin orun aldi.

Jumhuriyetchi xelq partiyisi bolsa % 20.08 Awaz bilen ikkinchi bolup 112 parlamént ezasi , milletchi heriket partiyisi bolsa % 14.2 Awaz bilen üchinchi bolup saylinip 70 parlamént ezasigha ige boldi. Saylamda yene musteqil namzatlardin 27 si parlaméntqa kirdi. Türkiyidiki bu saylamda türk dunyasini we Uyghur mesilisini yéqindin bilidighan köp sanda kishining parlaméntqa kirishi alahide diqqitimizni tartti.

Dunyadiki herqaysi döletlermu türkiyidiki bu saylamgha alahide diqqet qilghan bolup, saylam ayaghliship netije chiqqandin kéyin dunyadiki dangliq gézitler türkiyidiki saylam heqqide mulahize xewerliri berdi. Amérika tashqi ishlar ministirliki yawrupa we yawro asiya ishliri mudiri matt bryzabu saylamning türkiyining démokratiyisi üchün büyük bir zeper bolghanliqini dédi. Saylamning tamamen démokratik we adil bir shekilde élip bérilghanliqini ipade qilghan matt bryza : "bu saylam türkiye asasi qanun sistémisining we din bilen siyaset ayrilghan démokratiyisining qandaq ishleydighanliqini körsitip béridighan bir bashqa örnektur" dédi.

Bu qétim qurulidighan hökümetning we parlaméntning Uyghur siyasiti qandaq bolar, xitay bilen bolghan munasiwitide bir özgirish bolarmu?

Yuqiridiki ulinishtin, enqerediki ixtiyari muxbirimiz erkin tarimning bu heqte élip barghan söhbitining tepsilatini anglaysiz.