Ваң лечүәнниң уйғур елиниң намрат районлиридики пиланлиқ туғут мәсилиси һәққидә қилған сөзигә инкас


2007.03.15

Бейҗиңда ечиливатқан 10 ‏- нөвәтлик хәлқ қурултийида мухбирларниң зияритини қобул қилған уйғур аптоном райониниң партком секритари ваң лечүән уйғур елиниң тәрәққият мәсилиси һәққидә тохталған болуп, мәзкур җайдики нопус мәсилисини , болупму қәшқәр , хотән вә қизилсу қатарлиқ районлардики нопус мәсилисини алаһидә тәкитлигән. У сөзидә, уйғур елиниң җәнубий районидики намратлиқ мәсилисини етирап қилиш билән бир вақитта, "җәнубий шинҗаңниң намрат болуши мәзкур җайниң нопусиниң тез сүрәттә көпийиватқанлиқидин келип чиққан. Шуңа биз қәшқәр , хотән вә қизилсу қатарлиқ бу җайларда йүргүзүватқан пиланлиқ туғут сияситини техиму изчил һалда кәскин иҗра қилишимиз керәк шундақла мукапатлаш түзүмини йолға қоюш арқилиқ, мәзкур җайлардики аз санлиқ милләт деһқан аилилирини икки бала елишқа чақиришимиз керәк " дәп көрсәткән. Ваң лечүән сөзидә йәнә, уйғур елиниң җәнубий районини тәрәққий қилдуруштики чарә вә тәдбирләр һәққидә тохтилип, " мәзкур җайларни тәрәққий қилдурушта, әң муһими алди билән бу җайларға баридиған төмүр йоллирини көпәйтишимиз вә кеңәйтишимиз керәк " дәп көрсәткән.

Ваң лечүәнниң юқириқи сөзлири чәтәлләрдики уйғур вә хитай зиялийлириниң қаттиқ тәнқидигә учримақта.Шундақла америкидики уйғур тәшкилатлириниң қаттиқ наразилиқини қозғиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.