خىتاي دۆلەت رەئىسى خۇ جىنتاۋ رۇسىيىدىكى زىيارىتىنى ئاياقلاشتۇرغاندىن كېيىن 4-ئىيۇل كۈنى قازاقىستان پايتەختى ئاستاناغا يىتىپ كېلىپ، قازاقىستان پرېزىدېنتى نۇرسۇلتان نازاربايېف بىلەن كۆرۈشۈپ، 21-ئەسىردىكى ئىستراتېگىيىلىك ھەمكارلىق باياناتنامىسى ئېلان قىلدى ھەمدە بىر قاتار ئىقتىسادىي توختاملارغا قول قويدى.
قازاقىستان پرېزىدېنتى نازاربايېف 21-ئەسىردىكى ئىستراتېگىيىلىك ھەمكارلىق باياناتنامىسىنى قازاقىستان – خىتاي مۇناسىۋىتىنىڭ تەرەققى قىلىۋاتقانلىقىنىڭ بىر ئىسپاتى ئىكەنلىكىنى، ئىككى دۆلەت ئوتتۇرىسىدىكى مۇناسىۋەتنىڭ يۇقىرى پەللىگە كۆتۈرۈلگەنلىكىنى ئوتتۇرىغا قويدى.
خۇ جىنتاۋنىڭ بۇ قېتىمقى قازاقىستان زىيارىتىدە ئاتاسۇ-ئالاشەنكو نېفىت تۇرۇبا قۇرۇلۇشى ئالاھىدە ئورۇننى ئىگىلىگەن بولۇپ، ئېنېرگىيە مەسىلىسى ئىككى دۆلەت ئوتتۇرىسىدىكى سۆھبەتنىڭ مۇھىم نۇقتىسى بولغان.
بۇ ھەقتىكى تەپسىلى مەلۇماتلارنى قازاقىستاندا تۇرۇشلۇق ئىختىيارى مۇخبىرىمىز ئابدۇللادىن ئاڭلاڭ.