Милләтниң үмиди - яшлар


2007-05-04
Share

Һәр қандақ бир милләт тәркибидики, яшлар милләт үмиди, вәтән үмиди. Өз нөвитидә һәр дәвр яшлири шу дәвр үмиди. Бир дәвр бир милләт тәркибидики яшлар қатлиминиң қандақ болуши шу милләтниң истиқбалиниң бешаритидур. Шуңа һәр бир дәвр,яшлириға дәврниң, милләтниң арзу үмиди билән тәң,җәмийәтниң,һаятниң һәрикәтләндүргүч чақиға охшаш муһим вәзипилирини йүклигән болиду.

Вәтән вә хәлиқ яшлардин нимиләр күтиду

яшлар риқабәт мәйданидики әң ойғақ челишчи болғандила мана шу вәзипә һәм бурчини ада қилалайду. Җүмлидин уйғур яшлири учраватқан сиясий, иқтисадий, иҗтимаий вәзийәт уларни йәниму кәскин риқабәтләргә дучар қилмақта. Уйғур дияри һәм хәлқи яш әвладлиридин немиләрни күтиду ? уйғур яшлири дуч келиватқан вәзийити һәм мәҗбурийәтлири һәққидә немиләрни ойлайду?

Мәлум болғинидәк уйғур елидики уйғур яшлириниң көп сандикиси нөвәттә һәр җәһәттә кәскин бир вәзийәттә турмақта, сиясий, иқтисадий искәнҗиләр сәвәбидин уларниң, әркинликкә, билим елишқа болған тәлпүнүшлири чәклимигә учрап, ғайә һәм арзулири йипи үзүлгән ләгләккә охшаш нишансиз қалмақта.

Уйғур яшлириниң арзу-арманлири

Бу начар вәзийәт яшларниң бир қисмини ишсизлиққа, бәхтсизликкә һәтта бәзилирини түрлүк ечинишлиқ қисмәтләргә йүзләндүргән болса, йәнә бәзи яшлар өз арзулирини қоғлап, езизанә вәтинидин кечип ташқи әлләрдин панаһ күтмәктә.

Бу йолда һәр түрлүк мүшкүл йолларни кезип қурбанларни берип, чәт әлләргә чиқип оқуш яки яшаш, хәлқниң, вәтәнниң арзуси үчүн һәқлиқ күришиш йолини таллиған уйғур яшлири гәрчә демократик әлләрдә арзу гүллири чечәк ечип қисмән әркинликләрдин бәһриман болуватқан болсиму, уларниң ортақ арзуси йәнила яшлиқ баһарини қәдирләп, қиран чағлирида вәтән һәм хәлқи үчүн техиму үнүмлүк хизмәтләрни қилиштур.

Бу һәқтә чәтәлләрдики уйғур яшлири билән өткүзмәкчи болған сөһбитимизни дуня уйғур қурултийи диний ишлар комитети рәиси, гирманийидә яшаватқан турғунҗан әпәнди өз көз қарашлирини сөзләп бәрди.

Уйғур қизлириниң йүки техиму еғир

Уйғур хәлқиниң зиба гүллири, милләтниң кәлгүси анилири болған уйғур қизлириниң уйғур диярида хитай сиясити түпәйли дуч келиватқан вәзийитини техиму кәскин дәп ейтишқа болиду. Чүнки улар уйғур йигитлири учраватқан сиясий, иқтисадий, диний бесимлардин сирт йәнә, хитайниң пиланлиқ туғут сияситиниң бивастә қурбанлириға айланмақта. Шундақла, әйдиздәк иплас кесәлликләрниң васитилиқ қурбанлириға айланмақта.

Шуңа уйғурларниң мәнивий аниси рабийә қадир ханим "милләтни қутқузуш үчүн әң авал қизлиримизни қутқузуш керәк " дәйду.

Дуня уйғур қурултийи аяллар комитети рәиси, норвигийидә яшаватқан айгүл ханим, уйғур яш қизларниң вәзийити һәм уларниң истиқбали һәққидә сөзләп бәрди.

яш достлар, уйғур яшлири дуч келиватқан вәзийәт һәмдә әмәлий мәсилиләр һәққидә чәтәлләрдики бир қисим уйғур яшлар билән өткүзгән сөһбәтлиримизниниң тәпсилатини, юқурдики улиништин аңлаңлар. (Гүлчәһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт