Milletning ümidi - yashlar


2007-05-04
Share

Her qandaq bir millet terkibidiki, yashlar millet ümidi, weten ümidi. Öz nöwitide her dewr yashliri shu dewr ümidi. Bir dewr bir millet terkibidiki yashlar qatlimining qandaq bolushi shu milletning istiqbalining bésharitidur. Shunga her bir dewr,yashlirigha dewrning, milletning arzu ümidi bilen teng,jem'iyetning,hayatning heriketlendürgüch chaqigha oxshash muhim wezipilirini yükligen bolidu.

Weten we xeliq yashlardin nimiler kütidu

Yashlar riqabet meydanidiki eng oyghaq chélishchi bolghandila mana shu wezipe hem burchini ada qilalaydu. Jümlidin Uyghur yashliri uchrawatqan siyasiy, iqtisadiy, ijtima'iy weziyet ularni yenimu keskin riqabetlerge duchar qilmaqta. Uyghur diyari hem xelqi yash ewladliridin némilerni kütidu ? Uyghur yashliri duch kéliwatqan weziyiti hem mejburiyetliri heqqide némilerni oylaydu?

Melum bolghinidek Uyghur élidiki Uyghur yashlirining köp sandikisi nöwette her jehette keskin bir weziyette turmaqta, siyasiy, iqtisadiy iskenjiler sewebidin ularning, erkinlikke, bilim élishqa bolghan telpünüshliri cheklimige uchrap, ghaye hem arzuliri yipi üzülgen leglekke oxshash nishansiz qalmaqta.

Uyghur yashlirining arzu-armanliri

Bu nachar weziyet yashlarning bir qismini ishsizliqqa, bextsizlikke hetta bezilirini türlük échinishliq qismetlerge yüzlendürgen bolsa, yene bezi yashlar öz arzulirini qoghlap, ézizane wetinidin kéchip tashqi ellerdin panah kütmekte.

Bu yolda her türlük müshkül yollarni kézip qurbanlarni bérip, chet ellerge chiqip oqush yaki yashash, xelqning, wetenning arzusi üchün heqliq kürishish yolini tallighan Uyghur yashliri gerche démokratik ellerde arzu gülliri chéchek échip qismen erkinliklerdin behriman boluwatqan bolsimu, ularning ortaq arzusi yenila yashliq baharini qedirlep, qiran chaghlirida weten hem xelqi üchün téximu ünümlük xizmetlerni qilishtur.

Bu heqte chet'ellerdiki Uyghur yashliri bilen ötküzmekchi bolghan söhbitimizni dunya Uyghur qurultiyi diniy ishlar komitéti re'isi, girmaniyide yashawatqan turghunjan ependi öz köz qarashlirini sözlep berdi.

Uyghur qizlirining yüki téximu éghir

Uyghur xelqining ziba gülliri, milletning kelgüsi aniliri bolghan Uyghur qizlirining Uyghur diyarida xitay siyasiti tüpeyli duch kéliwatqan weziyitini téximu keskin dep éytishqa bolidu. Chünki ular Uyghur yigitliri uchrawatqan siyasiy, iqtisadiy, diniy bésimlardin sirt yene, xitayning pilanliq tughut siyasitining biwaste qurbanlirigha aylanmaqta. Shundaqla, eydizdek iplas késelliklerning wasitiliq qurbanlirigha aylanmaqta.

Shunga Uyghurlarning meniwiy anisi rabiye qadir xanim "milletni qutquzush üchün eng awal qizlirimizni qutquzush kérek " deydu.

Dunya Uyghur qurultiyi ayallar komitéti re'isi, norwigiyide yashawatqan aygül xanim, Uyghur yash qizlarning weziyiti hem ularning istiqbali heqqide sözlep berdi.

Yash dostlar, Uyghur yashliri duch kéliwatqan weziyet hemde emeliy mesililer heqqide chet'ellerdiki bir qisim Uyghur yashlar bilen ötküzgen söhbetlirimiznining tepsilatini, yuqurdiki ulinishtin anglanglar. (Gülchehre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet