Chet'ellerdiki Uyghur ziyaliyliri zeherlik chékimlik mesililiri toghrisidiki qarashlirini otturigha qoydi

• Muxbirimiz gülchéhrening bu heqtiki melumati
• Download story audio

Uyghur élige zeherlik chékimlikning eng chong kirish menbesi bolghan yünnende besh mingche sandiki Uyghurlarning zeherlik chékimlik sétish, yötkesh hemde shuninggha munasiwetlik ishlar bilen shughulliniwatqanliqi, ularning jénini alqinigha élip qoyup bu xeterlik yolgha hetta qérindashliri, baliliri hem ayallirinimu tartip kiriwatqanliqigha oxshash mesililer, Uyghurlar arisida küchlük ghulghula qozghawatqan bolsa, bu mesile yene chet'ellerdiki Uyghur ziyaliliridimu Uyghurlarning teqdir‏- qismetlirige nisbeten endishilerni shundaqla xitay hökümitining Uyghur élide zeherlik chékimlikni chekleshte yürgüzüwatqan siyasetlirige nisbeten gumanlarni qozghimaqta.

Bezi Uyghurlar yene, xitay hökümitining Uyghurlarning insan terbiyilesh, ma'arip sistémisini buzghandin bashqa, ammining tebi'i haldiki exlaq mektipi bolghan diniy étiqadighimu tosqunluq qilishiningmu, nöwette zeherlik chékimlik bilen shughullinishqa oxshash yaman ish ‏- heriketlerning barghanche yamrishigha seweb boluwatqan muhim amil ikenlikini körsetmekte.

Uyghurlardiki zeherlik chékimlik mesililiri bilen bir qeder tonush bolghan, ilgiri ili saqchi idarisida zeherlik chékimlik cheklesh xizmitini ishligen, gollandiyidiki bextiyar ependi ziyaritimizni qobul qilip, Uyghur élide zeherlik chékimlik cheklesh heriketlirining néme üchün ünüm bermeydighanliqi heqqide köz qarashlirini ipadilidi. (Gülchéhre)