Amérika dölet mejlisi dalay lamaning " toluq aptonomiye" telipini qollidi


2005-11-17
Share

Amérika dölet mejlisining ezaliri tibet rohani dahisi dalay lamaning tibetke " toluq aptonomiye" bérish telipini qollap, béyjing hökümitining tibet rayonidiki kishilik hoquq depsendichilikini eyiblidi.

Dalay lama washin'gtondiki 10 künlik ziyaritining axirida 16 - noyabir küni dölet mejlisining awam we kéngesh palata ezaliri bilen ayrim - ayrim uchrashqanda, uning xitay hökümitige qoyghan tibetke " toluq aptonomiye" bérish, tibet medeniyiti we diniy örp - aditige hörmet qilish telipi, dölet mejlisi ezalirining qollishigha érishken. Awam palata ezasi ra'ul grijalwa, dalay lama " tibet medeniyiti, diniy we meniwiy bayliqi manjuriyide yoqap ketkendek yoqap ketmesliki kérek, démekchi " deydu.

Awam palata ezasi kristofir simis, "dunyadiki barliq hökümetlerning béyjing da'irilirige tibetke hörmet qilish toghrisida ching turidighan waqti yétip keldi" dep tekitligen. Kéngesh palata ezasi barak obama, prézidént bushning xitaygha barghanda bu mesilini otturigha qoyudighanliqigha ümid bilen qaraydighanliqini bildürdi.

Prézidént bush ötken hepte dalay lama bilen aq sarayda körüshken. Amérika dölet mejlisi ezalirining eskertishiche, bush tibet mesilisini otturigha qoyushi mümkin. Emma xitay - amérika munaswitide buningdin muhim mesililer barliqi otturigha qoyulmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet