Б д т комитети тибәтниң бәнчән ламаси билән көрүшүшни тәләп қилди


2005.09.21
Share on WhatsApp
Share on WhatsApp

Б д т мустәқил мутәхәссисләр комитети хитай һөкүмити тәрипидин тутуп туриливатқан тибәтниң яш бәнчан ламаси билән айрим көрүшүшни тәләп қилмақта.

Франсийә ахбарат агентлиқиниң хәвиригә қариғанда, комитетниң президенти җәкоб доик чаршәнбә күни хитай һәққидики бир доклатни көздин кәчүргәндә, бу йил 16 яшқа киргән бәнчан лама- гедхан чокйи ниймниң, хитай һөкүмити тәрипидин ирадисигә қарши һалда елип кетилгәнликини билдүргән.

У йәнә "хитай һөкүмити бәнчән лама яхши туриватиду дәйду. Әмма мустәқил орунларниң уни зиярәт қилишини рәт қиливатиду. Бу хил позитсийә худдий бу йәрдә тоғра болмиған ишларйүз бәргәндәк көрситиду" деди.

Хәвәргә қариғанда, хитайниң б д т дики баш әлчиси шия башчилиқидики вәкилләр өмики бу әһвални чүшәндүрүп, "бу бала вә аилидикилири чәтәллик зиярәтчиләрниң зияритини халимайду" дегән һәмдә униң башқа балиларға охшаш оттура мәктәптә оқуп, яхши нәтиҗиләрни еливатқанлиқини ейтқан.

Әмма кишилик һоқуқ тәшкилатлири яш бәнҗан ламани " дунядики әң кичик сиясий мәһбус" дәп атимақта. Гедхан 1995 - йили далай лама тәрипидин 10 бәнчан ламалиққа бикитилип узун өтмәйла хитай һөкүмити тәрипидин тутуп кетилгән иди. Арқидин хитай һөкүмити өзиниң таллиған кандидатини бәнчан лама қилип бекиткән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.