B d t komitéti tibetning benchen lamasi bilen körüshüshni telep qildi


2005-09-21
Share

B d t musteqil mutexessisler komitéti xitay hökümiti teripidin tutup turiliwatqan tibetning yash benchan lamasi bilen ayrim körüshüshni telep qilmaqta.

Fransiye axbarat agéntliqining xewirige qarighanda, komitétning prézidénti jekob do'ik charshenbe küni xitay heqqidiki bir doklatni közdin kechürgende, bu yil 16 yashqa kirgen benchan lama- gédxan chokyi niymning, xitay hökümiti teripidin iradisige qarshi halda élip kétilgenlikini bildürgen.

U yene "xitay hökümiti benchen lama yaxshi turiwatidu deydu. Emma musteqil orunlarning uni ziyaret qilishini ret qiliwatidu. Bu xil pozitsiye xuddiy bu yerde toghra bolmighan ishlaryüz bergendek körsitidu" dédi.

Xewerge qarighanda, xitayning b d t diki bash elchisi shiya bashchiliqidiki wekiller ömiki bu ehwalni chüshendürüp, "bu bala we a'ilidikiliri chet'ellik ziyaretchilerning ziyaritini xalimaydu" dégen hemde uning bashqa balilargha oxshash ottura mektepte oqup, yaxshi netijilerni éliwatqanliqini éytqan.

Emma kishilik hoquq teshkilatliri yash benjan lamani " dunyadiki eng kichik siyasiy mehbus" dep atimaqta. Gédxan 1995 - yili dalay lama teripidin 10 benchan lamaliqqa bikitilip uzun ötmeyla xitay hökümiti teripidin tutup kétilgen idi. Arqidin xitay hökümiti özining tallighan kandidatini benchan lama qilip békitken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet