Далай лама тәйинлигән бәнчән ламаниң из- дерики һазирға қәдәр мәлум әмәскән


2005-04-25
Share

Тибәтләрниң роһани даһиси далай лама тәйинлигән бәнчән лама дүшәнбә күни 16 гә кирди. Әмма хитай һөкүмитиниң нәзәрбәнти астидики өсмүр бәнчәнниң из - дерики һазирға қәдәр мәлум әмәскән.

Әнгилийә азхбарат тори б б с, " бән чән ламаниң нәзәрбәнти хитайниң тибәт районидики юқири бесимлиқ сияситиниң инкаси," дәп көрсәтти. 25 - Април дүшәнбә күни 16 гә киргән гедун чөҗи нйима, дуня бойичә әң кичик сияси мәһбус. У, 6 йешида 1995 - йили далай лама тәрипидин тибәттики 2 - чоң роһани даһи бәнчән ламаниң вариси, дәп елан қилинған. Әмма хитай һөкүмити гедун чөҗи нйиманиң бәнчән ламалиқини рәт қилип, йәнә бир балини бәнчән ламаниң вариси, дәп елан қилди.

Хитай һөкүмити 1995 - йили далай лама тәйинлигән 6 яштики бәнчәнни нәзәрбәнт қилип, униң " һимайигә елинғанлиқи" ни елан қилған. Атеизм билән қоралланған бейҗиң һөкүмитиниң йеңи бәнчән тәйинләп, гедун чөҗи нйимани нәзәрбәнт қилиши тибәтләрни ғәзәпләндүргән иди.

Б б с илгири сүрүшичә, " бу вәқә хитай һөкүмити тибәтләрниң диний ибадәт әркинликигә йол қоюватқанлиқи тоғрисидики чүшәнчиләргә зәрбә бәргән." Америка ташқи ишлар министирлиқиниң 12 - априлда дөләт мәҗлисигә сунған тибәт мәсилиси һәққидики доклатида, далай ламани " хитайниң мәмликәт ичи вә райондики муқумлиқни сақлишида иҗабийлиқи мол шерики," дәп көрсәткән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт