Dalay lama teyinligen benchen lamaning iz- dériki hazirgha qeder melum emesken


2005-04-25
Share

Tibetlerning rohani dahisi dalay lama teyinligen benchen lama düshenbe küni 16 ge kirdi. Emma xitay hökümitining nezerbenti astidiki ösmür benchenning iz - dériki hazirgha qeder melum emesken.

En'giliye azxbarat tori b b s, " ben chen lamaning nezerbenti xitayning tibet rayonidiki yuqiri bésimliq siyasitining inkasi," dep körsetti. 25 - April düshenbe küni 16 ge kirgen gédun chöji nyima, dunya boyiche eng kichik siyasi mehbus. U, 6 yéshida 1995 - yili dalay lama teripidin tibettiki 2 - chong rohani dahi benchen lamaning warisi, dep élan qilin'ghan. Emma xitay hökümiti gédun chöji nyimaning benchen lamaliqini ret qilip, yene bir balini benchen lamaning warisi, dep élan qildi.

Xitay hökümiti 1995 - yili dalay lama teyinligen 6 yashtiki benchenni nezerbent qilip, uning " himayige élin'ghanliqi" ni élan qilghan. Até'izm bilen qorallan'ghan béyjing hökümitining yéngi benchen teyinlep, gédun chöji nyimani nezerbent qilishi tibetlerni ghezeplendürgen idi.

B b s ilgiri sürüshiche, " bu weqe xitay hökümiti tibetlerning diniy ibadet erkinlikige yol qoyuwatqanliqi toghrisidiki chüshenchilerge zerbe bergen." Amérika tashqi ishlar ministirliqining 12 - aprilda dölet mejlisige sun'ghan tibet mesilisi heqqidiki doklatida, dalay lamani " xitayning memliket ichi we rayondiki muqumliqni saqlishida ijabiyliqi mol shériki," dep körsetken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet