Хитай һөкүмити бән чән ламаниң нәзәрбәнд астида яшаватқанлиқини рәт қилди
2005.08.04
Хитайниң тибәт аптоном районидики юқири дәриҗилик бир әмәлдари, тибәт роһани даһиси далай лама тәрипидин талланған 11 - бән чән ламаниң нәзәрбәт астида яшаватқанлиқини рәт қилди. Бирләшмә ахбарат агентлиқиниң хәвәр қилишичә, тибәт аптоном райониниң муавин рәиси ву йиңҗйе, пәйшәнбә күни ласада чәтәл мухбирлирини күтүвелип, "биз уни нәзәрбәт астида тутуп туруватқинимиз йоқ," деди.
6 Йешида йоқап кәткән гедун чокий нйиманиң 10 йилдин бери из дерики йоқ болуп, у 1995 - йили 5 - айниң 14 - күни далай лама тәрипидин 10 - бәнчәнниң вариси, дәп елан қилинған иди. Бирақ у 3 күндин кейин из дерәксиз йоқап кәткән. Ву йоңҗйениң тәкитлишичә, у аилисидикиләр билән биргә саламәт яшимақтикән. Ву йоңҗйе, "уни далай лама таллиған болсиму, әмма җоңго һөкүмити уни етирап қилмайду," диди.
Бейҗиң һөкүмити 1995 - йили гятсин норбуни 11 - бән чән лама, дәп елан қилған. Әмма ву , нйиманиң өйи қәйәрдә икәнликини ашкарлимиди. Вуниң тәкитлишичә, нйима чәтәл мәтбуатлириниң уни аварә қилишини халимайдикән.
Бейҗиң һөкүмити далай ламани бөлгүнчилик блән әйиплисиму, әмма йәнә бир тәрәптин униң вәкиллири билән сөһбәт елип бармақта. Хитай - тибәт сөһбити ахирқи қетим бу йил 30 - июн вә 1 - июлларда шветсарийиниң берин шәһиридә өткүзүлгән. Тибәт сөһбәт вәкили лоди гяриниң ашкарилишичә, тибәт аптоном райониниң даирисини айриш мәсилиси, бейҗиң һөкүмити тибәтләр арисидики түпки ихтилапларниң бирикән. (Әркин)
Мунасивәтлик мақалилар
- Хитай даирилири далай лама вәкиллири билән шивитсарийидә учрашти
- Ву баңго, йеңи зеландийә парламентида тибәт паалийәтчисиниң қаршилиқ һәрикитигә дүч кәлди
- Далай лама әлчилири пат арида хитайни зиярәт қилишни күтмәктә
- Далай лама тәйинлигән бәнчән ламаниң из- дерики һазирға қәдәр мәлум әмәскән
- Русийә далай ламаниң қалмақистанни зиярәт қилишиға виза беришни қарар қилди