Xitay hökümiti ben chen lamaning nezerbend astida yashawatqanliqini ret qildi


2005-08-04
Share

Xitayning tibet aptonom rayonidiki yuqiri derijilik bir emeldari, tibet rohani dahisi dalay lama teripidin tallan'ghan 11 - ben chen lamaning nezerbet astida yashawatqanliqini ret qildi. Birleshme axbarat agéntliqining xewer qilishiche, tibet aptonom rayonining mu'awin re'isi wu yingjyé, peyshenbe küni lasada chet'el muxbirlirini kütüwélip, "biz uni nezerbet astida tutup turuwatqinimiz yoq," dédi.

6 Yéshida yoqap ketken gédun chokiy nyimaning 10 yildin béri iz dériki yoq bolup, u 1995 - yili 5 - ayning 14 - küni dalay lama teripidin 10 - benchenning warisi, dep élan qilin'ghan idi. Biraq u 3 kündin kéyin iz déreksiz yoqap ketken. Wu yongjyéning tekitlishiche, u a'ilisidikiler bilen birge salamet yashimaqtiken. Wu yongjyé, "uni dalay lama tallighan bolsimu, emma jonggo hökümiti uni étirap qilmaydu," didi.

Béyjing hökümiti 1995 - yili gyatsin norbuni 11 - ben chen lama, dep élan qilghan. Emma wu , nyimaning öyi qeyerde ikenlikini ashkarlimidi. Wuning tekitlishiche, nyima chet'el metbu'atlirining uni aware qilishini xalimaydiken.

Béyjing hökümiti dalay lamani bölgünchilik blen eyiplisimu, emma yene bir tereptin uning wekilliri bilen söhbet élip barmaqta. Xitay - tibet söhbiti axirqi qétim bu yil 30 - iyun we 1 - iyullarda shwétsariyining bérin shehiride ötküzülgen. Tibet söhbet wekili lodi gyarining ashkarilishiche, tibet aptonom rayonining da'irisini ayrish mesilisi, béyjing hökümiti tibetler arisidiki tüpki ixtilaplarning biriken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet