دالاي لاما كوستارىكانى زىيارەت قىلدى


2004-09-28
Share

لاتىن ۋە جەنۇبى ئامېرىكا دۆلەتلىرىگە قاراتقان زىيارىتىنى داۋاملاشتۇرىۋاتقان تىبەتلىكلەرنىڭ دىنىي ۋە سىياسىي داھىيسى دالاي لاما دۈشەنبە كۈنى كوستارىكادا بۇ دۆلەتنىڭ پرىزدېنتى ئابەل پاكىكو بىلەن ئۇچراشتى.

كوستارىكا پرىزدېنتى، كوستارىكا خەلقىنىڭ دالاي لامانىڭ زىيارىتىدىن پەخىرلىندىغانلىقىنى بىلدۈردى. ئۇ دالاي لاما بىلەن ئۇچرىشىشى جەريانىدا بەرگەن باياناتىدا، كوستارىكا، دالاي لاما تەرىپىدىن ئوتتۇرىغا قويۇلىۋاتقان مەسىلىلەرنى تىنچ يول بىلەن بىر تەرەپ قىلىش، ماسلىشىپ بىرلىكتە ياشاش قاتارلىق پرىنسىپلارنى قوللايدىغانلىقىنى تەكىتلىدى.

دالاي لاما دۈشەنبە كۈنى كوستارىكانىڭ سان خوزى شەھىرىدىكى ئۇنۋەرسىتېتتا سۆز قىلدى. فرانسىيە ئاخبارات ئاگېنتلىقىنىڭ خەۋەر قىلىشىچە، دالاي لامانىڭ سۆزنى ئاڭلاش ئۈچۈن مىڭلىغان ئادەم ئۇنىۋېرسىتېتنىڭ تەنتەربىيە زالىغا توپلاشقان، ئادەملەرنىڭ كۆپلۈكىدىن زالدا ئورۇن قالماي يەنە مىڭلىغان كىشى دالاي لاما نىڭ سۆزىنى كوچىلارغا ئورۇنلاشتۇرۇلغان چوڭ ئىكرانلىق تېلېۋىزورلاردىن ئاڭلىغان.

بۇ دالاي لامانىڭ كوستارىكاغا قىلغان ئىككىنچى قېتىملىق زىيارىتى بولۇپ ھېسابلىنىدۇ.

ئامېرىكا بىرلەشمە ئاگېنتلىقىنىڭ خەۋەر قىلىشىچە، دالاي لاما بۇ قېتىمقى سەپىرى جەريانىدا ئەلسالۋادور، گۋاتېمالا ۋە مېكسىكا دۆلەتلەرنىمۇ زىيارەت قىلىدىكەن. (ئەقىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت