Росийә далай ламаға виза беришни ойлишидиғанлиқини билдүрди


2004.11.11
Share on WhatsApp
Share on WhatsApp

Росийә ташқи ишлар министирлиқи пәйшәнбә күни баянат елан қилип, тибәтниң сүргүндики диний даһиси далай ламаға виза беришни ойлишидиғанлиқини билдүрди.

Росийә ташқи ишлар министирлиқиниң баянатчиси" әгәр далай лама росийини зиярәт қилиш тәлипини оттуриға қойса, у һалда москива униңға виза беришни ойлишиду" дәп билдүргән. У йәнә,далай ламаниң техи росийә ташқи ишлар минситирлиқиға бундақ бир илтимасни сунмиғанлиқини тәкитлигән.

Бирақ мәзкүр баянатчи йәнә, далай лама росийини зиярәт қилған тәғдирдиму, росийиниң тибәткә тутқан мәйданиниң өзгәрмәйдиғанлиқини, тибәтниң хитайниң бир қисми дәп қарайдиғанлиқини тәкитлигән.

Далай ламаниң сүргүндики һөкүмити пәйшәнбә күни буниңға дәрһал инкас қайтуруп, далай ламаниң росийини зиярәт қилишни халайдиғанлиқини билдүрди. Тибәт сүргүндики һөкүмитиниң баянатчиси сабтин сәмфил қалмақистан җумһирийити призединтиниң далай ламани йәрлик буддестларға диний тәлим беришкә тәклип қилғанлиқини, әгәр росийә һөкүмити виза бәрсә, далай ламаниң қалмақистанға беришни халайдиғанлиқини көрсәтти. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.