Tibetning diniy dahiysi dalay lama yaponiyini ziyaret qildi


2005-04-08
Share

Tibetlerning diniy dahiysi dalay lama 8 - april jüme küni yaponiye paytexti tokyogha yétip kélip, bu yerdiki 10 künlük ziyaritini bashlidi.

Sürgündiki tibet hökümitining bildürüshige qarighanda dalay lamaning yaponiyide élip barmaqchi bolghan bu qétimqi ziyariti peqet diniy pa'aliyetlerni asas qilidiken. Ziyaret dawamida tokyo, kiyoto qatarliq jaylarda buddizm terghibatlirini élip barmaqchi iken. Bu dalayning yaponiyige qaratqan 10 - qétimliq ziyariti hésablinidu.

En'giliye b b s xewer agéntliqining bergen xewirige qarighanda, yaponiye hökümitining melum emeldari yaponiye hökümitining dalay lamani jemiyet erbabi dep tonuydighanliqini bildürüp, uning ziyaret pa'aliyiti heqqide tepsili toxtalmighan.

Xitay hökümiti dawamliq dalay lamaning bashqa ellerde ziyarette bolushigha qarshi turup kelgen bolup, uning yaponiyidiki ziyaritimu oxshashla xitayning qarshiliqigha uchridi.

Gerche yaponiye budda dinini asas qilghan dölet bolsimu,emma yaponiye hökümiti dalay lamaning yaponiyini ziyaret qilishigha körünüshke éhtiyatchanliq bilen mu'amile qilip keldi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet