دالاي لاما، ياپونىيىدىكى زىيارىتى داۋامىدا ئالىي ئاپتونومىيىگە ئېرىشىش ئارزۇسىنى نامايەن قىلدى


2005.04.10
Share on WhatsApp
Share on WhatsApp

تىبەتنىڭ دىنىي داھىيسى دالاي لامانىڭ ياپونىيىدىكى زىيارىتى داۋاملىشىۋاتقان بولۇپ، شەنبە كۈنى ياپونىيە ئۆكتىچى پارتىيىسىنىڭ ئەزالىرى بىلەن ئۇچراشقان دالاي لاما، خىتاي ھۆكۈمىتىدىن تىبەتكە ئالىي ئاپتونومىيە بېرىشنى تەلەپ قىلىدىغانلىقىنى يەنە بىر قېتىم ئىپادىلىدى.

ئامېرىكا بىرلەشمە ئاگېنتلىقىنىڭ خەۋىرىدە كۆرسىتىلىشىچە، دالاي لاما ئىلگىرى كۆپ قېتىم تىبەتنى خىتاينىڭ بىر قىسمى دەپ تونىغان بولسىمۇ، بىراق تىبەت خەلقىگە مەدەنىيەت جەھەتتە ھوقۇق بېرىلىشى كېرەكلىكىنى ھەمدە بۇددا دىنىي ئەركىنلىكى بېرىلىشى كېرەكلىكىنى ئىزچىل تۈردە تەلەپ قىلىپ كەلگەن .

دالاي لاما، شەنبە كۈنى توكيودا سۆزلىگەن نۇتقىدا، روھ بىلەن كىشىلەر ئارىسىدىكى مۇناسىۋەت ھەققىدە توختىلىپ، ئۆلۈم جازاسىنى بىكار قىلىشنى، مائارىپنى گۈللەندۈرۈشنى، تېخىمۇ مېھرىبان ۋە كۆڭۈللۈك بىر ئىنسانىيەت دۇنياسى بەرپا قىلىشنى تەكىتلىگەن.

خەۋەردە يەنە ئېيتىلىشىچە، دالاي لامانىڭ بۇ قېتىمقى زىيارىتى ئۇنىڭ 10 - قېتىم ياپونىيىنى زىيارەت قىلىشى بولۇپ ھېسابلىنىدىكەن. ياپونىيە ھۆكۈمىتىنىڭ بېيجىڭدا بىلدۈرۈشىچە، دالاي لامانىڭ ياپونىيىنى زىيارەت قىلىشى، تىبەتنىڭ مۈستەقىللىقىنى قوللىغانلىق ھېساپلانمايدىكەن. (ئەقىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.