Далай лама, японийидики зиярити давамида алий аптономийигә еришиш арзусини намайән қилди


2005.04.10
Share on WhatsApp
Share on WhatsApp

Тибәтниң диний даһийси далай ламаниң японийидики зиярити давамлишиватқан болуп, шәнбә күни японийә өктичи партийисиниң әзалири билән учрашқан далай лама, хитай һөкүмитидин тибәткә алий аптономийә беришни тәләп қилидиғанлиқини йәнә бир қетим ипадилиди.

Америка бирләшмә агентлиқиниң хәвиридә көрситилишичә, далай лама илгири көп қетим тибәтни хитайниң бир қисми дәп тониған болсиму, бирақ тибәт хәлқигә мәдәнийәт җәһәттә һоқуқ берилиши керәкликини һәмдә будда диний әркинлики берилиши керәкликини изчил түрдә тәләп қилип кәлгән .

Далай лама, шәнбә күни токйода сөзлигән нутқида, роһ билән кишиләр арисидики мунасивәт һәққидә тохтилип, өлүм җазасини бикар қилишни, маарипни гүлләндүрүшни, техиму меһрибан вә көңүллүк бир инсанийәт дуняси бәрпа қилишни тәкитлигән.

Хәвәрдә йәнә ейтилишичә, далай ламаниң бу қетимқи зиярити униң 10 - қетим японийини зиярәт қилиши болуп һесаблинидикән. японийә һөкүмитиниң бейҗиңда билдүрүшичә, далай ламаниң японийини зиярәт қилиши, тибәтниң мүстәқиллиқини қоллиғанлиқ һесапланмайдикән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт