Dalay lama, yaponiyidiki ziyariti dawamida aliy aptonomiyige érishish arzusini namayen qildi


2005.04.10
Share on WhatsApp
Share on WhatsApp

Tibetning diniy dahiysi dalay lamaning yaponiyidiki ziyariti dawamlishiwatqan bolup, shenbe küni yaponiye öktichi partiyisining ezaliri bilen uchrashqan dalay lama, xitay hökümitidin tibetke aliy aptonomiye bérishni telep qilidighanliqini yene bir qétim ipadilidi.

Amérika birleshme agéntliqining xewiride körsitilishiche, dalay lama ilgiri köp qétim tibetni xitayning bir qismi dep tonighan bolsimu, biraq tibet xelqige medeniyet jehette hoquq bérilishi kéreklikini hemde budda diniy erkinliki bérilishi kéreklikini izchil türde telep qilip kelgen .

Dalay lama, shenbe küni tokyoda sözligen nutqida, roh bilen kishiler arisidiki munasiwet heqqide toxtilip, ölüm jazasini bikar qilishni, ma'aripni güllendürüshni, téximu méhriban we köngüllük bir insaniyet dunyasi berpa qilishni tekitligen.

Xewerde yene éytilishiche, dalay lamaning bu qétimqi ziyariti uning 10 - qétim yaponiyini ziyaret qilishi bolup hésablinidiken. Yaponiye hökümitining béyjingda bildürüshiche, dalay lamaning yaponiyini ziyaret qilishi, tibetning müsteqilliqini qollighanliq hésaplanmaydiken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.