Tashi wangdi: béyjing dalay lamaning xitayni ziyaret qilishigha yol qoyushi kérek

• 
  2006-03-14

Tibet rohani dahisi dalay lamaning amérikida turushluq wekili tashi wangdi, béyjing hökümiti dalay lamaning xitayni ziyaret qilish telipini qandursa, bu tibet rayonidiki siyasiy jiddiylikni peseytish rolini oynaydu, dep körsetti.

Dalay lama ötken hepte xitayni ziyaret qilip, bu dölettiki tarixiy budda ibadetxanilirini tawab qilish arzusi barliqini bildürgen we bu arzusining yéqinda béyjingni ziyaret qilghan wekilliri teripidin xitay da'irilirige yetküzülgenlikini ashkarilighan idi. Tashi wangdi amérika dölet mejlisining bir komitéti chaqirghan ispat bérish yighinida, xitay da'irilirini dalay lamaning ziyaritidin endishe qilmasliqqa chaqirdi. U, xitay rehberliri uning ziyaritige yol qoyulsa, bire weqe yüz béremdikin, dep endishe qilmasliqi kérek. Dalay lamaning ziyariti öz ara chüshinish, arilishish we dostluqni ilgiri süridu," dédi.

Uning eskertishiche, "dalay lamaning ziyaret pilani her ikkila terepke paydiliq" iken. U, " xitay hökümiti bilen tibet arisidiki jiddiychilik xitayda siyasi , medeniyet we diniy turmushning kélechigi bilen baghlinishliq " deydu. Tashi wangdining eskertishiche, u béyjing hökümiti tibet mesiliside ilgirileshke érishse, xitayning dunya boyiche nurghun dostlargha érishidighanliqigha ishinidiken.

Dalay lama ötken jüme küni daramsalada tibet qozghilingining 47 yilliqi munasiwiti bilen nutuq sözlep, xitayni ziyaret qilish ümidi barliqini jakarlighan. (Erkin)