Тибәт роһаний даһийси далай лама америкини зиярәт қилиду


2005.11.04
Share on WhatsApp
Share on WhatsApp

Тибәт роһаний даһийси далай лама 11 - айниң 8 - күнидин башлап америкини зиярәт қилиду. Игилишимизчә, далай лама вашингтонда президент буш билән учришип, тибәт мәсилисини музакирә қилиши мумкин.

Дала лама америкидики зиярити җәрянида , 13 - сентәбир күни вашингтондики бир йиғин залида қоллиғучилириға нутуқ сөзләйдикән. Тибәтликләр йиғинда уйғур кишилик һоқуқи вә демократийә һәрикитиниң рәһбири рабийә қадир ханимни сәһнидин орун елишқа тәклип қилған.

Тибәт роһани даһисиниң америка зиярити башлиниш алдида далай ламаниң вашингтонда турушлуқ вәкили лоди гяри, тибәт сәргәрдан һөкүмитиниң мустәқиллиқ тәләп қилмайдиғанлиқини билдүрди. Лоди гяриниң тәкитлишичә, тибәт сәргәрдан һөкүмити тибәт мәдәнийити вә әнәнисини қоғдашқа капаләтлик қилишни тәләп қилидикән. Лоди гяри тибәт сәргәрдан һөкүмити хитай даирилири билән елип барған сөһбәтләрдә бәзи иҗабий бишарәтләрни байқиди, дәйду.

Лоди гяриниң әскәртишичә, бейҗин рәһбәрлири болупму компартийә мәркизи бирликсәп бөлүминиң вәкиллири билән сөһбәт өткүзгәндә, улар тибәтләрниң пикиригә бурунқиға қариғанда әһмийәт бериватқанлиқини байқиған.

Әмма бәзи тибәтләр хитайниң сәмимийитигә гуман билән қаримақта. Уларниң тәкитлишичә, бейҗин һөкүмити тибәт вәкиллири әмили мәсилиләр үстидә сөһбәт өткүзүштин өзини қачуруп, вақит өткүзүшкә урунмақтикән. Хитай вәкиллири билән тибәтләр ахирқи қетим бу йил 6 - айда швейтсарийидә учрашқан иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.