Tibet rohaniy dahiysi dalay lama amérikini ziyaret qilidu


2005-11-04
Share

Tibet rohaniy dahiysi dalay lama 11 - ayning 8 - künidin bashlap amérikini ziyaret qilidu. Igilishimizche, dalay lama washin'gtonda prézidént bush bilen uchriship, tibet mesilisini muzakire qilishi mumkin.

Dala lama amérikidiki ziyariti jeryanida , 13 - séntebir küni washin'gtondiki bir yighin zalida qollighuchilirigha nutuq sözleydiken. Tibetlikler yighinda Uyghur kishilik hoquqi we démokratiye herikitining rehbiri rabiye qadir xanimni sehnidin orun élishqa teklip qilghan.

Tibet rohani dahisining amérika ziyariti bashlinish aldida dalay lamaning washin'gtonda turushluq wekili lodi gyari, tibet sergerdan hökümitining musteqilliq telep qilmaydighanliqini bildürdi. Lodi gyarining tekitlishiche, tibet sergerdan hökümiti tibet medeniyiti we en'enisini qoghdashqa kapaletlik qilishni telep qilidiken. Lodi gyari tibet sergerdan hökümiti xitay da'iriliri bilen élip barghan söhbetlerde bezi ijabiy bisharetlerni bayqidi, deydu.

Lodi gyarining eskertishiche, béyjin rehberliri bolupmu kompartiye merkizi birliksep bölümining wekilliri bilen söhbet ötküzgende, ular tibetlerning pikirige burunqigha qarighanda ehmiyet bériwatqanliqini bayqighan.

Emma bezi tibetler xitayning semimiyitige guman bilen qarimaqta. Ularning tekitlishiche, béyjin hökümiti tibet wekilliri emili mesililer üstide söhbet ötküzüshtin özini qachurup, waqit ötküzüshke urunmaqtiken. Xitay wekilliri bilen tibetler axirqi qétim bu yil 6 - ayda shwéytsariyide uchrashqan idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet