Далай лама: хитайлар тибәтни интайин еғир бесим билән идарә қилмақта


2005.11.08
Share on WhatsApp
Share on WhatsApp

Америкини зиярәт қиливатқан тибәт роһани даһиси далай лама, сәйшәнбә күни вашингтонда мухбирларни күтүвелиш йиғини чақирип, тибәт сөһбәт вәкиллириниң хитай даирилири билән учрашқанда өз ара чүшәнчә һасил қилиш үчүн тиришиватқиниға қаримай, хитай даирилири тибәтни "интайин вә интайин еғир бесим" билән идарә қилмақта, деди.

Далай ламаниң америкидики зиярити дүшәнбә күни башланған. Далай ламаниң әскәртишичә, у хитай даирилири билән елип берилған төт қетимлиқ сөһбәттин кейин, хитайниң тибәттики һөкүмранлиқиниң" юмшишини" үмид қилған болсиму, әмма әһвалда өзгириш болмиған.

Далай лама тибәт вәкиллири билән хитай даирилири оттурисида елип берилған сөһбәткә қаримай, "җиддий мәсилиләрдә" асасән илгирләш болмиғанлиқини билдүрди. У, " һазирғичә илгирләшкә еришкәнликниң һечқандақ бишарити йоқ," дәйду.

Хитай вәкиллири билән далай ламаниң вәкиллири бу йил 6 - айда шветсарийидә сөһбәт елип барған иди. Буниңдин илгири тибәт вәкиллири хитайни зиярәт қилған.

Далай лама, чаршәнбә күни ақ сарайни зиярәт қилип, президент буш вә биринчи ханим лавра бушлар билән көрүшиду.

Хитайниң вашингтонда турушлуқ әлчиханиси дүшәнбә күни баянат елан қилип, "һәрқандақ дөләтниң далай ламани күтүвелишиға қарши туримиз" дәп тәкитлигән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт