Dalay lama: xitaylar tibetni intayin éghir bésim bilen idare qilmaqta


2005-11-08
Share

Amérikini ziyaret qiliwatqan tibet rohani dahisi dalay lama, seyshenbe küni washin'gtonda muxbirlarni kütüwélish yighini chaqirip, tibet söhbet wekillirining xitay da'iriliri bilen uchrashqanda öz ara chüshenche hasil qilish üchün tirishiwatqinigha qarimay, xitay da'iriliri tibetni "intayin we intayin éghir bésim" bilen idare qilmaqta, dédi.

Dalay lamaning amérikidiki ziyariti düshenbe küni bashlan'ghan. Dalay lamaning eskertishiche, u xitay da'iriliri bilen élip bérilghan töt qétimliq söhbettin kéyin, xitayning tibettiki hökümranliqining" yumshishini" ümid qilghan bolsimu, emma ehwalda özgirish bolmighan.

Dalay lama tibet wekilliri bilen xitay da'iriliri otturisida élip bérilghan söhbetke qarimay, "jiddiy mesililerde" asasen ilgirlesh bolmighanliqini bildürdi. U, " hazirghiche ilgirleshke érishkenlikning héchqandaq bishariti yoq," deydu.

Xitay wekilliri bilen dalay lamaning wekilliri bu yil 6 - ayda shwétsariyide söhbet élip barghan idi. Buningdin ilgiri tibet wekilliri xitayni ziyaret qilghan.

Dalay lama, charshenbe küni aq sarayni ziyaret qilip, prézidént bush we birinchi xanim lawra bushlar bilen körüshidu.

Xitayning washin'gtonda turushluq elchixanisi düshenbe küni bayanat élan qilip, "herqandaq döletning dalay lamani kütüwélishigha qarshi turimiz" dep tekitligen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet