Тибәтниң диний даһийси далай лама исраилийидә


2006.02.16

Тибәтниң сүргүндики диний даһиси далай ламаниң алаһидә вәкилләр өмики, бейҗиңда тибәтниң аптономийә һоқуқи мәсилиси үстидә, хитай рәһбәрлири билән 5 ‏- қетимлиқ сөһбитини йепиқ шәкилдә өткүзүватқан бир пәйттә, далай ламаниң исраилийидә елип бериватқан зиярити, хитай һөкүмитиниң қаттиқ наразилиқини қозғиди.

Америка бирләшмә агентлиқиниң 16 ‏- феврал күни бу һәқтә бәргән хәвиригә қариғанда хитай һөкүмити, далай ламаниң исраилийидә елип бериватқан зияритини тәнқид қилип, "униң зиярити тибәт мустәқиллиқини тәрғип қилиштин ибарәт" дәп көрсәткән.

Хитай ташқи ишлар министирлиқи пәйшәнбә күни йәнә "далай ламаниң мәқсити тибәтни җуңгодин айрип чиқип кетиш. У, бу нийитини хәлқаралаштуруш үчүн һәрикәт елип бериватиду " дәп әйиблигән.

Далай лама исраилийидә елип баридиған 5 күнлүк зиярити давамида, өзиниң хамас тәшкилати рәһбәрлири билән көрүшүшни халайдиғанлиқини вә "зораванлиқ һәрикәтлиригә хатимә берип, тинчлиқ йоли арқилиқ мәсилини һәл қилиш чарилирини қоллиниш" тоғрисида мәзкур тәшкилат билән пикир алмаштуридиғанлиқини билдүрди.

Хитай һөкүмити, далай ламаниң һәр қандақ бир дөләтни зиярәт қилишиға изчил түрдә қарши туруп кәлмәктә. (Әқидә)

© 2006 Radio Free Asia

Мунасивәтлик мақалилар

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.