Tibetning diniy dahiysi dalay lama isra'iliyide

Tibetning sürgündiki diniy dahisi dalay lamaning alahide wekiller ömiki, béyjingda tibetning aptonomiye hoquqi mesilisi üstide, xitay rehberliri bilen 5 ‏- qétimliq söhbitini yépiq shekilde ötküzüwatqan bir peytte, dalay lamaning isra'iliyide élip bériwatqan ziyariti, xitay hökümitining qattiq naraziliqini qozghidi.

Amérika birleshme agéntliqining 16 ‏- féwral küni bu heqte bergen xewirige qarighanda xitay hökümiti, dalay lamaning isra'iliyide élip bériwatqan ziyaritini tenqid qilip, "uning ziyariti tibet musteqilliqini terghip qilishtin ibaret" dep körsetken.

Xitay tashqi ishlar ministirliqi peyshenbe küni yene "dalay lamaning meqsiti tibetni junggodin ayrip chiqip kétish. U, bu niyitini xelq'aralashturush üchün heriket élip bériwatidu " dep eyibligen.

Dalay lama isra'iliyide élip baridighan 5 künlük ziyariti dawamida, özining xamas teshkilati rehberliri bilen körüshüshni xalaydighanliqini we "zorawanliq heriketlirige xatime bérip, tinchliq yoli arqiliq mesilini hel qilish charilirini qollinish" toghrisida mezkur teshkilat bilen pikir almashturidighanliqini bildürdi.

Xitay hökümiti, dalay lamaning her qandaq bir döletni ziyaret qilishigha izchil türde qarshi turup kelmekte. (Eqide)