Далай лама мустәқиллиқ идийисидин ваз кәчмигән тәқдирдә хитайға бармаслиқи мумкин


2007.03.08

Бирләшмә агентлиқиниң бейҗиңдин бәргән хәвригә қариғанда, далай лама мустәқиллиқ идийисидин ваз кәчмигән әһвал астида бейҗиңға бармайдикән.

Тибәт аптоном райони һөкүмитиниң рәиси чампа путсок бийҗиңда мухбирларға "гәрчә, далай лама өзиниң тибәт мустәқиллиқини қолға кәлтүрүш паалийәтлирини тохтатқан болсиму, мениңчә у тибәтни мустәқил қилиш идийисидин пүтүнләй ваз кечәлмәйду. Шундақ икән униң хитайға бериш арзуси бәк төвән" деди

Хитай, гәрчә далай лама тибәттә алий мухтарийәт орнитип тибәтниң будда дини мәдәнийитини қоғдашни илгири сүргән болсиму, лекин, у тибәтни мустәқил қилиш паалийәтлирини мәхпий илип бармақта, дәп әйибләп кәлмәктә.

Чампа путсок тибәт аптоном районидики юқири дәриҗилик әмәлдар болсиму, лекин алий һоқуқ йәнила хитай компартийә секритариниң қолида икән.

Далай лама 1959 ‏- йили тибәттә қозғалған хитайға қарши хәлқ топилиңи мәғлуп болғандин кийин һиндистанға қечип чиққан. "48 Йил өтүп кәтти, далай лама өз хәлқи вә вәтинигә һечқандақ бир пайдилиқ иш қилғини йоқ " дәйду, һазир бейҗиңда йиғинда болуватқан чампа путсок.

Униң билдүрүшичә, хитай һөкүмити һазирғичә далай лама вәкиллири арқилиқ далай билән өз алақисини сақлап кәлгән болуп, бу мунасивәтни кәлгүсидә йәнә изчил давамлаштуридикән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.