Далай лама японийини зиярәт қилиду


2004.10.29
Share on WhatsApp
Share on WhatsApp

Тибәтләрниң роһий даһийси далай лама келәр йили 4 - айда японийини зиярәт қилиду. Далай ламаниң зияритини орунлаштурған японийилик әрбаблар, тибәт роһий даһийсиниң японийидики зиярити хәлқара һәмкарлиқ вә тинчлиқ һәққидики муһакимә йиғини билән мунасивәтлик дәп чүшәндүргән. Далай ламаниң японийидики өткән қетимлиқ зиярити 2003 - йили 11 - айға тоғра келиду. Тибәт роһий даһийсиниң шу қетимқи зиярити хитай һөкүмитиниң қаттиқ наразилиқини қозғиған. Далай лама мустәқиллқи тәләп қилмайдиғанлиқини илгири сүрсиму бирақ, бейҗиң һөкүмити уни бөлгүнчилик билән ейиблимәктә.

Австирийә даирилириниң ашкарилишичә,австирийә хитай һөкүмитиниң наразилиқи сәвәбидин далай ламаниң рәсими чүшүрүлгән почта маркиси тарқитиш пиланини бикар қилған. Франсийә ахбарат агентлиқиниң хәвәригә қариғанда австирийә почта даирилири бу хил почта маркисидин 60 миң дана бесип, далай лама туғулғанлиқиниң 70 йиллиқини хатирилимәкчи болған. Бирақ буниңға австирийидики хитай әлчиханиси наразилиқ билдүргән. Австирийә һөкүмити хитайниң бесими астида әслидики пиланидин ваз кечишкә мәҗбур болған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт